തൃക്കൊടിത്താനം. തൃക്കൊടിത്താനം എൻ.എസ്.എസ് കരയോഗത്തിൽ വിദ്യാഭ്യാസ സ്‌കോളർഷിപ്പ് വിതരണവും ചികിത്സാ ധനസഹായ വിതരണവും ഡയറക്ടർ ബോർഡ് അംഗം ഹരികുമാർ കോയിക്കൽ ഉദ്ഘാടനം ചെയ്തു. കരയോഗം പ്രസിഡന്റ് എസ്. ജയകുമാർ ആദ്ധ്യക്ഷത വഹിച്ചു. താലൂക്ക് യൂണിയൻ പ്രസിഡന്റ് ജി. ജയകുമാർ, വനിതാ സമാജം പ്രസിഡന്റ് എം. സീതാലക്ഷ്മി, ബാലസമാജം പ്രസിഡന്റ് നവ്യ സുരേഷ് എന്നിവർ പ്രസംഗിച്ചു. കരയോഗം ഡയറക്ടറി എം. ആർ. ശിവശങ്കരപ്പിള്ള പ്രകാശനം ചെയ്തു. ബ്ലോക്ക് പഞ്ചായത്ത് പ്രസിഡന്റായി തിരഞ്ഞെടുക്കപ്പെട്ട എൻ. രാജുവിനെ ആദരിച്ചു. സെക്രട്ടറി ജി. ശ്രീകുമാർ സ്വാഗതവും എം.പി. ഗോപാലകൃഷ്ണൻ നന്ദിയും പറഞ്ഞു.