കോട്ടയം. നിരവധി ക്രിമിനൽ കേസുകളിൽ പ്രതിയായ പനച്ചിക്കാട് കുഴിമറ്റം പണയിൽ ജിഷ്ണുവിനെ (27) കാപ്പാ നിയമപ്രകാരം കരുതൽ തടങ്കലിൽ അടച്ചു. ജില്ലാ പൊലീസ് മേധാവി കെ.കാർത്തിക്കിന്റെ റിപ്പോർട്ടിന്റെ അടിസ്ഥാനത്തിലാണ് നടപടി. ഇയാൾ കുറെ വർഷങ്ങളായി കോട്ടയം ഈസ്റ്റ്, ചങ്ങനാശ്ശേരി, മുണ്ടക്കയം, ചിങ്ങവനം സ്റ്റേഷനുകളിൽ വധശ്രമം, മോഷണം, അടിപിടി, മയക്കുമരുന്ന് വില്പന, സംഘം ചേർന്ന് ആക്രമിക്കൽ, പിടിച്ചുപറിക്കൽ തുടങ്ങി നിരവധി കേസുകളിൽ പ്രതിയാണ്. ചിങ്ങവനത്ത് യുവാവിനെ അക്രമിച്ച് കൊലപ്പെടുത്താൻ ശ്രമിച്ച കേസിൽ കോടതിയിൽ നിന്ന് ജാമ്യത്തിൽ ഇറങ്ങിയപ്പോഴാണ് ഇയാളെ കാപ്പാ നിയമപ്രകാരം വിയ്യൂർ സെൻട്രൽ ജയിലിൽ അടച്ചത്.