കോഴിക്കോട്: കോഴിക്കോട് സിറ്റി പൊലീസ് കമ്മീഷണറേറ്റിനോടു ചേർന്ന് പൊലീസുകാർക്കും കുടുംബത്തിനുമായൊരുക്കിയ ലൈബ്രറിയും സാംസ്കാരിക കേന്ദ്രവും ഉത്തരമേഖലാ ഐ.ജി. അശോക് യാദവ് ഉദ്ഘാടനം ചെയ്തു. ചലച്ചിത്ര സംവിധായകൻ രഞ്ജിത്ത് മുഖ്യാതിഥിയായിരുന്നു. കമ്മിഷണർ എ.വി ജോർജ് സംസാരിച്ചു.
പൊലീസ് എംപ്ലോയീസ് സഹകരണ സംഘം, പൊലീസ് അസോസിയേഷൻ എന്നിവയുടെ സംയുക്താഭിമുഖ്യത്തിൽ സിറ്റി പൊലീസ് കമ്മിഷണറുടെ മേൽനോട്ടത്തിലാണ് പുതിയ സംവിധാനം നിലവിൽ വന്നത്. മുമ്പുണ്ടായിരുന്ന പൊലീസ് ലൈബ്രറി നവീകരിച്ച് ഒട്ടനവധി പുതിയ പുസ്തകങ്ങൾ എത്തിച്ചതിനു പുറമെ വായനാമുറിയും പരിഷ്കരിച്ചിട്ടുണ്ട്. കംപാഷനേറ്റ് കോഴിക്കോടിന്റെ മനോഹരമായ ചുമർചിത്രങ്ങളും വരകളും സാംസ്കാരിക കേന്ദ്രത്തിന് തൊങ്ങലായുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |