കോഴിക്കോട്: ഉത്തര കേരളത്തിൽ നേത്രദാന രംഗത്ത് ഫലപ്രദമായ മാറ്റങ്ങൾക്ക് തുടക്കം കുറിച്ച് കോഴിക്കോട് ആസ്റ്റർ മിംസിൽ ഐ കളക്ഷൻ സെന്റർ ആരംഭിച്ചു. അങ്കമാലി ലിറ്റിൽ ഫ്ലവർ ഐ ഹോസ്പിറ്റലിന്റെ സഹകരണത്തോടെയാണ് സെന്റർ പ്രവർത്തിക്കുക.

സെന്റർ ഉദ്ഘാടനം കോഴിക്കോട് മെഡിക്കൽ കോളേജ് ഒഫ്താൽമോളജി വിഭാഗം റിട്ട. പ്രൊഫസർ ഡോ. രാമചന്ദ്ര ഭട്ട് നിർവഹിച്ചു. കേരള ഐ ബാങ്ക് അസോസിയേഷൻ ജനറൽ സെക്രട്ടറി റവ. ഫാ. വർഗീസ് പാലാട്ടി അദ്ധ്യക്ഷത വഹിച്ചു. ഡോ. നൗഫൽ ബഷീർ , ഡോ. സുനിത മാത്യു , ഡോ. എം.ശർമിള , ഡോ. സുജിത് വി നായനാർ , ഡോ. ഫറാസ് അലി, ഡോ. എ.ജെ നിർമൽ , ഡോ. പ്രവിത അഞ്ചൻ എന്നിവർ പ്രസംഗിച്ചു.