കോഴിക്കോട്: ഖുർആൻ സുന്നത്ത് സൊസൈറ്റിയുടെ നേതൃത്വത്തിൽ മതഭീകരതാവിരുദ്ധ ദിനാചരണവും ചേകനൂർ മൗലവി അനുസ്മരണ സമ്മേളനവും നാളെ രാവിലെ 10ന് സ്‌പോർട്‌സ് കൗൺസിൽ ഹാളിൽ നടക്കും. ഇസ്ലാമിക പണ്ഡിതനും സാമൂഹിക പരിഷ്‌കർത്താവുമായ ചേകനൂർ മൗലവി വധിക്കപ്പെട്ട ദിവസമാണ് മത ഭീകരതാവിരുദ്ധ ദിനമായി കഴിഞ്ഞ 29 വർഷമായി ആചരിച്ചു വരുന്നത്. വൈകുന്നേരം 3ന് നടക്കുന്ന മൗലവി അനുസ്മരണ സമ്മേളനം കൽപ്പറ്റ നാരായണൻ ഉദ്ഘാടനം ചെയ്യും. രാവിലെ 10 മണിക്ക് ആരംഭിക്കുന്ന ഖുർആൻ പഠനശിബിരത്തിൽ സെയ്തലവി അൻസാരി, നവാസ് മൂവാറ്റുപുഴ, ജാഫർ അത്തോളി, ഡോ. ജലീൽ പുറ്റെക്കാട്, അബ്ദുറഹിമാൻ കൂത്തുപറമ്പ് തുടങ്ങിയവർ ക്ലാസെടുക്കും.