കോഴിക്കോട് നവരാത്രി സർഗോത്സവ സമിതിയുടെ നവരാത്രി സർഗോത്സവം 26ന് ചലച്ചിത്ര സംവിധായകൻ വി.എം.വിനു ഉദ്ഘാടനം ചെയ്യും. 9 ദിവസം നീണ്ടു നിൽക്കുന്ന പരിപാടിയിൽ പ്രഭാഷണ പരമ്പര, പൂജവെയ്പ്, വിദ്യാരംഭം, പുസ്തകോത്സവം, കലാമത്സരങ്ങൾ, നൃത്ത സംഗീത അർച്ചനകൾ തുടങ്ങിയവ നടക്കും. സമാപന ചടങ്ങിൽ ജെ.എൻ.യു വൈസ് ചാൻസലർ ഡോ. ശാന്തി ദുലിപുടി പണ്ഡിറ്റ് മുഖ്യാതിഥിയായിരിക്കും. കുമാരാനാശാന്റെ ദുരവസ്ഥ എന്ന കാവ്യത്തെ അടിസ്ഥാനമാക്കി ഒക്ടോബർ മൂന്നിന് രാത്രി 8.30ന് നാടകീയ നൃത്തശില്പം കലാമണ്ഡലം ഗ്രീഷ്മയുടെ നേതൃത്വത്തിൽ അവതരിപ്പിക്കും. വാർത്താസമ്മേളനത്തിൽ സംഘാടക സമിതി ചെയർപേഴ്‌സൺ നടി വിധുബാല, ജനറൽ കൺവീനർ, ഡോ. ശങ്കർ മഹാദേവൻ കേസരി വാരിക മുഖ്യപത്രാധിപർ ഡോ. എൻ.ആർ മധു എന്നിവർ പങ്കെടുത്തു.