പെരിന്തൽമണ്ണ: എസ്.എഫ്.ഐ ഓൺലൈൻ സൗകര്യം ഇല്ലാത്ത വിദ്യാർത്ഥികൾക്ക് ഒരുക്കുന്ന മൊബൈൽ ഫോൺ വിതരണത്തിന്റെ പെരിന്തൽമണ്ണ ഏരിയ തല ഉദ്ഘാടനം മുൻ നിയമസഭാ സ്പീക്കർ പി.ശ്രീരാമകൃഷ്ണൻ എ.ഇ.ഒ സിറാജുദ്ദീന് നൽകി നിർവഹിച്ചു. എസ്.എഫ്.ഐ പ്രവർത്തകർ പായസം ഫെസ്റ്റിലൂടെ സമാഹരിച്ച 2,00,200 രൂപ ഉപയോഗപ്പെടുത്തി വാങ്ങിയ 36 ഫോണുകളുടെ വിതരണോദ്ഘാടനമാണ് നിർവഹിച്ചത്. പെരിന്തൽമണ്ണയിലെ അർഹരായ വിദ്യാർത്ഥികൾക്ക് മൊബൈൽ ഫോൺ വരും ദിവസങ്ങളിൽ വിതരണം ചെയ്യും. ഏരിയ പ്രസിഡന്റ് എസ്.കിഷോർ അദ്ധ്യക്ഷത വഹിച്ചു. യോഗത്തിൽ എസ്.എഫ്.ഐ ഏരിയ സെക്രട്ടറി കെ.അജീബ് റഹ്മാൻ, ബ്ലോക്ക് പ്രോജക്ട് കോർഡിനേറ്റർ വി.എൻ. ജയൻ, സി.പിഎം പെരിന്തൽമണ്ണ ഏരിയ സെക്രട്ടറി ഇ.രാജേഷ്, ഡി.വൈ.എഫ്.ഐ ജില്ലാ പ്രസിഡന്റ് കെ.ശ്യാമപ്രസാദ്, എസ്.എഫ്.ഐ ജില്ലാ വൈസ് പ്രസിഡന്റ് കെ.ഹരിമോൻ, ജില്ലാ കമ്മിറ്റി അംഗം വി.രാഹുൽ എന്നിവർ പ്രസംഗിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |