SignIn
Kerala Kaumudi Online
Friday, 29 March 2024 2.25 PM IST

നൂറുമേനി കൊയ്ത് ഇരട്ട സഹോദരിമാർ

vvv

കു​റ്റി​പ്പു​റം : 1200ൽ 1200 മാർ​ക്കും വാങ്ങി ഇരട്ട സഹോദരിമാർ. മാ​റ​ഞ്ചേ​രി എച്ച്.എസ്.എസിലെ സ​യൻ​സ് വി​ദ്യാർ​ത്ഥി​നി​ക​ളാ​യ മാ​റ​ഞ്ചേ​രി കാ​ഞ്ഞി​ര​മു​ക്ക് വ​ലി​യവീ​ട്ടിൽ വി​ജ​യ​ന്റെ​യും രു​ഗ്മി​ണി​യു​ടെ​യും മ​ക്ക​ളാ​യ വൃ​ന്ദ വി​ജ​യ​നും ന​ന്ദ വി​ജ​യ​നുമാണ് ഒരേ സമയം നൂറുശതമാനം വിജയം കൊയ്തത്.

പ​ത്താം ക്ലാ​സി​ലും ഇരുവരും മു​ഴു​വൻ വി​ഷ​യ​ങ്ങ​ളി​ലും എ പ്ല​സ് നേ​ടി​യി​രു​ന്നു.

പഠ​ന​ത്തിൽ മാ​ത്ര​മ​ല്ല, ക​ലാ​മ​ത്സ​ര​ങ്ങ​ളി​ലും താരങ്ങളാണ് ഇവർ. ഹൈസ്​കൂൾ കാ​ലം മു​തൽ കലാമത്സരങ്ങളിൽ പങ്കെടുക്കുന്നുണ്ട്. ക​ണ്ണൂ​രിൽ ന​ട​ന്ന സം​സ്ഥാ​ന ശാ​സ്‌​ത്രോ​ത്സ​വ​ത്തിൽ മി​ക​വ് തെ​ളി​യി​ച്ചി​രു​ന്നു. ന​ന്ദ ഫാ​ബ്രി​ക്ക് പെ​യിന്റിം​ഗി​ലും വൃ​ന്ദ ഹാൻ​ഡ് എം​ബ്രോ​യി​ഡ​റി​യി​ലും സം​സ്ഥാ​ന ത​ല​ത്തിൽ എ ഗ്രേ​ഡ് നേ​ടി. ഒൻ​പ​താം ക്ലാ​സ്​ മു​തൽ പ്ല​സ് വൺ വ​രെ തു​ടർ​ച്ച​യാ​യി എ ഗ്രേഡ് നിലനിറുത്തി. പൊ​ന്നാ​നി​ വി​ജ​യ​മാ​ത സ്​കൂളിൽ നിന്നാണ് എസ്.എസ്.എൽ.സിക്ക് വിജയിച്ചത്.

നീറ്റ് എൻട്രൻസിൽ ഒരു കൈനോക്കാനാണ് ഇരുവരുടെയും തീരുമാനം. കു​ട്ടി​ക​ളു​ടെ പി​താ​വ് വി​ജ​യൻ വി​ദേ​ശ​ത്തായി​രു​ന്നു. ഇ​പ്പോൾ നാ​ട്ടിൽ സ്ഥി​ര​താ​മ​സ​മാ​യി. മാ​താ​വ് രു​ഗ്മി​ണി കോ​ക്കൂർ ഗ​വ​. ടെ​ക്​നി​ക്കൽ ഹൈ​സ്​കൂൾ അ​ദ്ധ്യാ​പി​ക​യാ​ണ്‌.

കഠി​നാദ്ധ്വാ​ന​വും അദ്ധ്യാ​പ​ക​രു​ടെ​ പി​ന്തു​ണ​യുമാ​ണ് വി​ജ​യ​ത്തി​ന് പി​ന്നി​ലെ​ന്ന് കു​ട്ടി​ക​ളു​ടെ അ​ച്ഛൻ വി​ജ​യ​ൻ പറയുന്നു. ഇരട്ടസഹോദരിമാർ ഇത്തരത്തിൽ മുഴുവൻ മാർക്കും വാങ്ങി ജയിക്കുന്നത് സംസ്ഥാനത്ത് തന്നെ അപൂർ‌വമായിരിക്കുമെന്ന് സയൻസ് അദ്ധ്യാപകൻ മനോജ് പറഞ്ഞു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, MALAPPURAM, SISTERS
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.