മലപ്പുറം: അസംഘടിത തൊഴിലാളികളുടെ വിവരങ്ങൾ ശേഖരിക്കുക എന്ന ലക്ഷ്യത്തോടെ കേന്ദ്ര സർക്കാർ ആരംഭിച്ച ഇ ശ്രം രജിസ്‌ട്രേഷൻ പ്രകാരം ജില്ലയിൽ അരലക്ഷം തൊഴിലാളികൾ രജിസ്റ്റർ ചെയ്തു. 16നും 59നും ഇടയിൽ പ്രായമുള്ള ഇ.എസ്.ഐ, ഇ.പി.എഫ് അർഹതയില്ലാത്തതും ഇൻകം ടാക്സ് പരിധിയിൽ വരാത്തതുമായ എല്ലാ അസംഘടിത തൊഴിലാളികൾക്കും ഇശ്രം രജിസ്‌ട്രേഷൻ നടത്തണം.
മൊബൈൽ നമ്പർ ആധാറുമായി ബന്ധിപ്പിച്ചിട്ടുള്ളവർക്ക് register.eshram.gov.i ൽ സ്വയം രജിസ്റ്റർ ചെയ്യാം. അക്ഷയ കേന്ദ്രങ്ങൾ/കോമൺ സർവീസ് കേന്ദ്രങ്ങൾ (സി.എസ്.സി)/ഇന്ത്യ പോസ്റ്റ് പേമെന്റ് ബാങ്ക് എന്നിവ വഴി സൗജന്യമായി e-SHRAM Portal ൽ രജിസ്റ്റർ ചെയ്യാം. രജിസ്റ്റർ ചെയ്യുന്നതിനായി മൊബൈൽ നമ്പർ, ആധാർ നമ്പർ, ബാങ്ക് അക്കൗണ്ട് വിവരങ്ങൾ എന്നിവ അത്യാവശ്യമാണ്.