പാലക്കാട്: ജില്ലയിൽ ഇന്നലെ പെയ്ത പേമാരിയിൽ ഏറ്റവും കൂടുതൽ മഴ ലഭിച്ചത് പാലക്കാട് നഗരത്തിൽ. 123.7 മില്ലീമീറ്റർ. ഒക്ടോബർ 16ന് രാവിലെ 8.30 മുതൽ 17 രാവിലെ 8.30 വരെയുള്ള കണക്കനുസരിച്ചാണിത്. കഴിഞ്ഞ രണ്ടുദിവസം മുമ്പ് മഴ തകർത്തു പെയ്തപ്പോൾ പാലക്കാട് നഗരത്തിൽ 76.8 മില്ലീമീറ്റർ മഴ ലഭിച്ച സ്ഥാനത്താണ് ഇന്നലെ ഏറ്റവും കൂടുതൽ മഴ ലഭിച്ചത്. കൂടാതെ ജില്ലയിലെ കാലവസ്ഥാ നീരിക്ഷണ കേന്ദ്രങ്ങളായ
പട്ടാമ്പിയിൽ- 78, അടയ്ക്കാപുത്തൂർ- 46, എരിമയൂർ- 59.5, കാഞ്ഞിരപ്പുഴ- 2.5 മില്ലീമീറ്റർ വീതവും മഴ ലഭിച്ചു. ആലത്തൂർ, പട്ടാമ്പി താലൂക്കുകളിലും ശക്തമായ മഴയാണ് ലഭിച്ചത്.
മലയോര മേഖകളായ മണ്ണാർക്കാടും പറമ്പിക്കുളത്തു മാണ് മുൻകാലങ്ങളിൽ നല്ല മഴ ലഭിച്ചത്. ഇത്തരത്തിൽ ജില്ലയിൽ ഏറ്റവും കൂടുതൽ മഴ പെയ്തതിന് റെക്കാഡ് ലഭിച്ച ഈ മേഖലകളിൽ ഇത്തവണ മഴ കുറവാണ്. ഉരുൾപൊട്ടലും മണ്ണിടിച്ചിലും അനുഭവപ്പെടുന്ന ഈ പ്രദേശത്ത് ഇത് ഏറെ ആശ്വാസമായി. നാലുദിവസം മുമ്പ് മണ്ണാർക്കാട് പെയ്ത മഴ 238.2 മില്ലീമീറ്ററും, പറമ്പിക്കുളത്ത് - 134 മില്ലീമീറ്റുമാണ്.
ജില്ലയിൽ ഇന്നലെ വിവിധ മേഖലകളിൽ ലഭിച്ച മഴ (മില്ലീമീറ്ററിൽ)
.മണ്ണാർക്കാട് - 78.2
.പറമ്പിക്കുളം - 74.0
.ചിറ്റൂർ - 39
.കൊല്ലങ്കോട് - 54.8
.ആലത്തൂർ - 100.5
.ഒറ്റപ്പാലം - 44.8
.തൃത്താല - 60.8
.പട്ടാമ്പി - 107.2
ജില്ലയിലെ അണക്കെട്ടുകളിലെ ഇന്നലത്തെ ജലനിരപ്പ്
1.മലമ്പുഴ - 114.24 മീറ്റർ (പരമാവധി ജലനിരപ്പ് 115.06)
2. മംഗലം - 77.01 മീറ്റർ (പരമാവധി ജലനിരപ്പ് 77.88)
3. പോത്തുണ്ടി - 107.05 മീറ്റർ (പരമാവധി ജലനിരപ്പ് 108.204)
4. മീങ്കര - 156.02 മീറ്റർ (പരമാവധി ജലനിരപ്പ് 156.36)
5. ചുള്ളിയാർ - 153.70 മീറ്റർ (പരമാവധി ജലനിരപ്പ് 154.08)
6. വാളയാർ - 201.15 മീറ്റർ (പരമാവധി ജലനിരപ്പ് 203)
7. ശിരുവാണി - 876.89 മീറ്റർ (പരമാവധി ജലനിരപ്പ് 878.50)
8. കാഞ്ഞിരപ്പുഴ - 95.48 മീറ്റർ (പരമാവധി ജലനിരപ്പ് 97.50)
നിലവിൽ മലമ്പുഴ ഡാമിലെ എല്ലാ ഷട്ടറുകൾ 21 സെന്റീമീറ്റർ വീതവും പോത്തുണ്ടി ഡാമിലെ എല്ലാ ഷട്ടറുകൾ ഒരു സെന്റിമീറ്റർ വീതവും കാഞ്ഞിരപ്പുഴ ഡാമിലെ എല്ലാ ഷട്ടറുകൾ 30 സെന്റിമീറ്റർ വീതവും മംഗലം ഡാമിലെ എല്ലാ ഷട്ടറുകൾ 10 സെന്റിമീറ്റർ വീതവും ചുള്ളിയാർ ഡാമിലെ രണ്ട് ഷട്ടറുകൾ മൂന്ന് സെന്റീമീറ്റർ വീതവും ശിരുവാണി ഡാമിലെ റിവർ സ്ലൂയിസ് ഷട്ടർ 50 സെന്റിമീറ്റർ വീതവും തുറന്നിട്ടുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |