കൊപ്പം: ഇലക്ട്രിക് വാഹനങ്ങൾ ചാർജ് ചെയ്യാനുള്ള അത്യാധുനിക ചാർജിംഗ് സ്റ്റേഷൻ സ്വന്തം വീട്ടുമുറ്റത്ത് സജ്ജീകരിച്ച് പ്രവാസി. കൊപ്പം കരിങ്ങനാട് സ്വദേശിയും എൻജിനിയറുമായ അബ്ദുൽ അസീസാണ് അത്യാധുനിക രീതിയിൽ ചാർജിംഗ് സ്റ്റേഷൻ ആരംഭിച്ചിരിക്കുന്നത്. നാലു ചക്ര വാഹനങ്ങൾക്കും ഇരു ചക്ര വാഹനങ്ങൾക്കും പ്രത്യേകം സംവിധാനങ്ങൾ സജ്ജമാക്കിയിട്ടുണ്ട്.
സോളാർ സംവിധാനങ്ങളോടെ പ്രകൃതിക്ക് അനുയോജ്യമായ രീതിയിലുള്ള പ്രവർത്തനമാണ് സർവീസ് സ്റ്റേഷന്റെ മറ്റൊരു പ്രത്യേകത. മലിനീകരണ നിർമ്മാർജ്ജനത്തിന് കൂടെ പ്രാധാന്യം നൽകുകയാണ് ഇതിലൂടെ ലക്ഷ്യമിടുന്നത്. സേവനം സുതാര്യമാക്കുന്നതിനും ബുക്കിംഗിനുമായി മൊബൈൽ റിലക്സ് ഇലക്ട്രിക് എന്ന മൊബൈൽ ആപ്ലിക്കേഷനും തയ്യാറാക്കിയിട്ടുണ്ട്. ബി.ടെക് ഇലക്ട്രിക് എൻജിനിയറിംഗിൽ സംസ്ഥാനത്തെ ആദ്യ ബാച്ചുകാരിൽ ഒരാളായ അബ്ദുൽ അസീസ് 32 വർഷമായി വിദേശത്തായിരുന്നു.
സൗകര്യങ്ങളേറെ...
വാഹനങ്ങൾ ചാർജ് ചെയ്യാൻ ഏകദേശം ഒരു മണിക്കൂർ ആവശ്യമാണ്. അത്ര സമയം ഉപഭോക്താക്കൾക്ക് ആകർഷണീയമായ രീതിയിലാണ് അബ്ദുൽ അസീസ് സൗകര്യമൊരുക്കിയിരിക്കുന്നത്. മുതിർന്നവർക്കായി വിശ്രമകേന്ദ്രം, വീൽചെയർ സൗകര്യം, റീഡിംഗ് റൂം, പൂന്തോട്ടം, ടോയ്ലറ്റ്, കുട്ടികൾക്കായി ഉല്ലാസ കേന്ദ്രം, കുടുംബവുമായെത്തുന്ന യാത്രക്കാർക്ക് ചാർജിംഗ് വേളയിൽ വിശ്രമിക്കാൻ പ്രത്യേക ഇരിപ്പിടങ്ങളും ഭക്ഷണവും ലഭ്യമാക്കുന്നുണ്ട്.
കൂടാതെ വർക്ക് അറ്റ് ഹോം സംവിധാനത്തിൽ വിവിധ ഓഫീസ്, ഐ.ടി മേഖലകളിലായി ജോലി ചെയ്യുന്നവർക്ക് സർവീസ് സ്റ്റേഷനിൽ വൈ ഫൈ സംവിധാനവും ക്രമീകരിച്ചിട്ടുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |