കടമ്പഴിപ്പുറം: പ്രീപ്രൈമറി വിഭാഗത്തിൽ ജോലി ചെയ്യുന്ന അദ്ധ്യാപികമാർക്ക് സർവീസ് അംഗീകരിച്ച് ശമ്പള സ്കെയിൽ അനുവദിക്കുമെന്ന സർക്കാർ വാഗ്ദാനം പാഴ്വാക്കായെന്ന് കെ.പി.എസ്.ടി.എ ആരോപിച്ചു. ഏഴ് വർഷമായിട്ടും ഇത് നടപ്പിലാക്കാൻ സർക്കാർ വിമുഖത കാണിക്കുകയാണെന്നും സ്കൂളുകളിൽ ഭൂരിഭാഗം കുട്ടികൾക്കും ഉച്ചഭക്ഷണം, പാൽ, മുട്ട എന്നിവ അനുവദിക്കുന്നില്ലെന്നും ഈ അവഗണന അവസാനിപ്പിക്കണമെന്നും കടമ്പഴിപ്പുറം ബ്രാഞ്ച് സമ്മേളനം ആവശ്യപ്പെട്ടു.
സമ്മേളനം സംസ്ഥാന നിർവ്വാഹക സമിതി അംഗം വി.ഉണ്ണികൃഷ്ണൻ ഉദ്ഘാടനം ചെയ്തു. പി.എ.ഹരിദാസൻ അദ്ധ്യക്ഷനായി. കെ.സി.മുരളീധരൻ, കെ.ആർ.സുജേഷ്, എ.വിനീത്, അബ്ദുൾ ജലീൽ, സി.ജി.ഗീത സംസാരിച്ചു. ഭാരവാഹികൾ: സി.സുരേഷ് (പ്രസിഡന്റ്), സി.പുരുഷോത്തമൻ (സെക്രട്ടറി) എം.കൃഷ്ണദാസ് (ട്രഷറർ).
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |