കലഞ്ഞൂർ: ഗവ.മോഡൽ ഹയർ സെക്കൻഡറി ആൻഡ് വൊക്കേഷണൽ ഹയർ സെക്കൻഡറി സ്കൂളിൽ ബുക്ക് നിർമ്മാണ യൂണിറ്റ് പ്രവർത്തനമാരംഭിച്ചു. മോഡൽ സ്കൂൾ പദ്ധതിയിലെ വിവിധ മാതൃകാ പ്രവർത്തനങ്ങളിൽ ഉൾപ്പെട്ടതാണ് നിർമ്മാണ യൂണിറ്റ്. വിദ്യാർത്ഥികളിൽ തൊഴിൽ ആഭിമുഖ്യവും സ്വാശ്രയബോധവും വളർത്തുക എന്നതും ലക്ഷ്യം വയ്ക്കുന്നതായി യൂണിറ്റ് ചുമതല വഹിക്കുന്ന അദ്ധ്യാപകൻ പി.സജീവ് പറഞ്ഞു. അദ്ധ്യാപകൻ സിബി ചാക്കോ വിദ്യാർത്ഥികൾക്ക് പരിശീലനം നൽകി. അടുത്ത അദ്ധ്യയന വർഷം വിദ്യാർത്ഥികൾക്കാവശ്യമായ നോട്ടുബുക്കുകൾ മിതമായ നിരക്കിൽ വിതരണം ചെയ്യാൻ കഴിയുമെന്ന് പ്രഥമാദ്ധ്യാപകൻ എ ഗോപകുമാർ പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |