പത്തനംതിട്ട: വർദ്ധിച്ചു വരുന്ന ലഹരി പദാർത്ഥങ്ങളുടെ ഉപയോഗം തടയണമെന്ന് ആവശ്യപ്പെട്ട് കേരള മദ്യ വർജ്ജന ബോധവത്കരണ സമിതി പത്തനംതിട്ടയിൽ നടത്തിയ ലഹരി മോചന സന്ദേശ ജ്വാല സംസ്ഥാന പ്രസിഡന്റ് സോമൻ പാമ്പായിക്കോട് ഉദ്ഘാടനം ചെയ്തു. സാമുവേൽ പ്രക്കാനം അദ്ധ്യക്ഷത വഹിച്ചു. ബേബിക്കുട്ടി ഡാനിയേൽ , വട്ടിയൂർക്കാവ് സദാനന്ദൻ , സാബു മുട്ടത്ത് , പി.ജെ ഡാനിയേൽ , കെ. ജമീല മുഹമ്മദ്, ഗിരിജാ മോഹൻ , റ്റി.കെ ശിവൻ , പി.വി.എബ്രഹാം , മല്ലശേരി പുരുഷോത്തമൻ എന്നിവർ പ്രസംഗിച്ചു.