തെങ്ങമം: കനത്ത മഴയിൽ വീടുകളിൽ വെള്ളം കയറിയതിനെ തുടർന്ന് കടമ്പനാട് വില്ലേജിൽ നാല് ക്യാമ്പുകൾ തുറന്നു . 93 ആളുകളെ മാറ്റി പാർപ്പിച്ചു. പാണ്ടി മലപ്പുറം ഗവ.എൽപി സ്കൂളിൽ ആറ് കുടുംബങ്ങളെയും , മുല്ല വേലിൽ എൻ.എസ്. എസ് കരയോഗ കെട്ടിടത്തിൽ 6 കുടുംബങ്ങളെയും , മുടിപ്പുര എൽ.പി സ്കൂളിലും, മണ്ണടി എൽ.പി സ്കൂളിലും നാല് കുടുംബങ്ങളെയും താമസിപ്പിച്ചു. ഏനാത്ത് - മണ്ണടി റോഡിൽ വെള്ളം കയറി ഗതാഗതം തടസപെട്ടു. ഏനാത്ത് ദേശ കല്ലുംമൂട് റോഡിലും വെള്ളം കയറി. കടമ്പനാട് മണ്ണിടിച്ചിലും കൃഷിനാശവും വ്യാപകമായി ഉണ്ടായി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |