പത്തനംതിട്ട : മലയാലപ്പുഴ ദേവീക്ഷേത്രത്തിലെ നവരാത്രി ആഘോഷവും ദേവീഭാഗവത നവാഹ ജ്ഞാനയജ്ഞവും ഇന്ന് മുതൽ ഒക്ടോബർ 5 വരെ നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. ഇന്ന് വൈകിട്ട് 5.30ന് കെ.യു.ജനീഷ്കുമാർ എം.എൽ.എ ഭദ്രദീപം തെളിയിച്ച് ഉദ്ഘാടനം നിർവഹിക്കും. ക്ഷേത്ര ഉപദേശക സമിതി പ്രസിഡന്റ് ദിലീപ് കുമാർ അദ്ധ്യക്ഷതവഹിക്കും. നാളെ മുതൽ ഒക്ടോബർ 4 വരെ എല്ലാ ദിവസവും രാവിലെ അഷ്ടദ്രവ്യ ഗണപതിഹോമം , ദേവീഭാഗവത പാരായണം, 12ന് ആചാര്യപ്രഭാഷണം , ഉച്ചയ്ക്ക് 1ന് അന്നദാനം എന്നിവ നടക്കും. 26ന് രാത്രി 8ന് ഭജൻസ് , 27ന് 9ന് നവാക്ഷരീഹോമം, ഗായത്രി ഹോമം, 1ന് അന്നദാനം, രാത്രി 8ന് നൃത്തനൃത്യങ്ങൾ , 28ന് രാവിലെ 9ന് ഗായത്രീഹോമം, വൈകിട്ട് 6ന് അഷ്ടപദി , രാത്രി 8ന് ഭക്തിഗാനമേള , 29ന് വൈകിട്ട് 5 സർവൈശ്വര്യപൂജ, രാത്രി 8ന് ഭക്തിഗാനമേള , 30ന് രാവിലെ 9ന് നവഗ്രഹപൂജ , വൈകിട്ട് 5ന് വിദ്യാഗോപാലസമൂഹാർച്ചന , രാത്രി 8 ന് ക്ഷേത്ര കലാപരിപാടികൾ , ഒക്ടോബർ 1ന് രാവിലെ 9ന് മഹാമൃത്യുജ്ഞയഹോമം , വൈകിട്ട് 5ന് കുമാരീപൂജ, 8ന് ക്ഷേത്രകലാപരിപാടികൾ , 2ന് രാവിലെ 9ന് നിറപറ സമർപ്പണം. വൈകിട്ട് 5.30ന് പൂജവയ്പ്പ് , രാത്രി 8ന് നൃത്തസന്ധ്യ , 3ന് വൈകിട്ട് 5ന് നാരങ്ങാവിളക്ക് , രാത്രി 8ന് നൃത്തസന്ധ്യ. 4ന് യജ്ഞസമാപനം , ഉച്ചയ്ക്ക് സമൂഹസദ്യ, വൈകിട്ട് സാംസ്കാരിക സമ്മേളനം തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ.കെ.അനന്തഗോപൻ ഉദ്ഘാടനം ചെയ്യും. 5ന് രാവിലെ 7ന് പൂജയെടുപ്പ് , 7.30 മുതൽ വിദ്യാരംഭം , 9 മണി മുതൽ നൃത്തനൃത്യങ്ങൾ. വാർത്താസമ്മേളനത്തിൽ അഡ്മിനിസ്ട്രേറ്റീവ് ഓഫീസർ ജി.ബിനു , ക്ഷേത്ര ഉപദേശകസമിതി പ്രസിഡന്റ് ദിലീപ്കുമാർ, സെക്രട്ടറി മോഹനൻ കുറിഞ്ഞിപ്പുഴ, ഡി.ശിവദാസ്, കെ.കെ.അനജിൽ എന്നിവർ പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |