SignIn
Kerala Kaumudi Online
Sunday, 01 September 2024 5.17 AM IST

വിലക്കയറ്റം നിർമ്മാണ മേഖല പ്രതിസന്ധിയിൽ

Increase Font Size Decrease Font Size Print Page

കിളിമാനൂർ: വിലക്കയറ്റവും ക്വാറി മേഖലയിലെ നിയന്ത്രണവും കാരണം നിർമ്മാണ മേഖല പ്രതിസന്ധിയിൽ. എം സാന്റ്, പി സാന്റ്,കരിങ്കല്ല് വില ഉയർന്നത് നിർമ്മാണമേഖലയെ തളർത്തുന്നു. മുഴുവൻ തുകയും കണ്ടെത്തിയതിനു ശേഷം നിർമ്മാണം ആരംഭിച്ചവർക്കുപോലും കടുത്ത വിലക്കയറ്റത്തിൽ അടിതെറ്റുകയാണ്. കരാർ എടുത്തവരും പറഞ്ഞ തുകയിൽ നിർമ്മാണം പൂർത്തിയാക്കാനാകാതെ ബുദ്ധിമുട്ടുകയാണ്.1500 രൂപ സ്‌ക്വയർ ഫീറ്റിനുണ്ടായിരുന്നത് ഇപ്പോൾ 2000 മുതൽ 2600 വരെയായി.

25000 രൂപയായിരുന്ന ഒരു ലോഡ് കരിങ്കല്ലിന് (ടോറസ്) 28000 രൂപയായി. ദൂരം കൂടുന്നതിനനുസരിച്ച് ഇതിലും മാറ്റം വരും. മണ്ണ് എടുക്കുന്നതിന് നിയന്ത്രണം വന്നതും വില ഉയരാൻ ഇടയാക്കി.

പാതിവഴിയിൽ കുരുങ്ങി ലൈഫും;

ലൈഫ് പദ്ധതി പ്രകാരം വീട് പണിയുന്ന ബി.പി.എൽ കുടുംബങ്ങളെയും സാധാരണക്കാരെയും വിലക്കയറ്റം പ്രതികൂലമായി ബാധിച്ചു.നാല് ലക്ഷം രൂപയാണ് പദ്ധതി വഴി നൽകുന്നത്. 12 ലക്ഷം രൂപ വരെയാണ് നിർമാണച്ചെലവ്. തൊഴിലാളികളുടെ കൂലിയിലും വർദ്ധനയുണ്ടായി. അന്യസംസ്ഥാന തൊഴിലാളികൾക്ക് പ്രതിദിനം 1000 രൂപയാണ്.തദ്ദേശ സ്ഥാപനങ്ങളിലെ നിർമ്മാണ ജോലികളും സ്തംഭിച്ചു. മുൻ ബില്ലുകൾ പാസാക്കാത്തതിനാൽ കരാറുകാരും പുതിയ പ്രവൃത്തികൾ ഏറ്റെടുക്കുന്നില്ല. സ്വകാര്യ മേഖലയിലെ ഫ്ലാറ്റ്, വില്ല പദ്ധതികളെയും സാമ്പത്തിക മാന്ദ്യം ബാധിച്ചു.

വില ഇങ്ങനെ

മെറ്റൽ ഒരടിക്ക് : 55

പി.സാന്റ് ഒരടി : 60-65

എം.സാന്റ് ഒരടി : 65

 മണൽ: 10000

ചുടുകട്ട: 12 രൂപ

ആശ്വാസം സിമന്റ് വില

നിർമ്മാണ ജോലികൾ കൂടുമെന്ന് പ്രതീക്ഷിച്ച് സിമന്റ് കമ്പനികൾ ഉത്പാദനം വർദ്ധിപ്പിച്ചതനനുസരിച്ച് ആവശ്യകത കൂടിയില്ല. വില്പന കുറഞ്ഞതോടെ സിമന്റ് സൂക്ഷിക്കാൻ കഴിയില്ലെന്ന് മനസിലാക്കി കമ്പനികൾ വില താഴ്ത്താൻ നിർബന്ധിതരായി. 440 വരെ ഉയർന്ന സിമന്റ് വില 390 രൂപയിലേക്കു താണു.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: LOCAL NEWS, THIRUVANANTHAPURAM
KERALA KAUMUDI EPAPER
Kaumudi Salt & Pepper
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.