ആറ്റിങ്ങൽ:ലോക വനിതാ ദിനത്തിൽ നൂറിലധികം പരമ്പരാഗത ഭക്ഷ്യ വിഭവങ്ങൾ ഒരുക്കി ഭക്ഷ്യമേള സംഘടിപ്പിച്ചു.ഒ.എസ്.അംബിക എം.എൽ.എയും ഡോ.ലക്ഷ്മിനായരും ചേർന്ന് ഉദ്ഘാടനം നടത്തി. ആറ്റിങ്ങൽ മൂന്നുമുക്ക് സൺ ഒാഡിറ്റോറിയത്തിൽ പുരോഗമന കലാസാഹിത്യ സംഘം വനിതാ സാഹിതിയുടെ ആറ്റിങ്ങൽ മേഖലാ കമ്മിറ്റിയാണ് ഭക്ഷ്യമേള സംഘടിപ്പിച്ചത്. മൺചട്ടികളിൽ വാഴക്കൂമ്പ് തോരൻ മുതൽ പുളിഞ്ചിക്ക അച്ചാർ വരെയും, വിവിധ ഇനം പായസങ്ങൾക്ക് പുറമേ വിവിധ പച്ചക്കറികളിൽ തയ്യാറാക്കിയ പായസങ്ങളും മേളയെ ശ്രദ്ധേയമാക്കി.ആലങ്ങാ,കൊഴുക്കട്ട വിവിധയിനം അടകൾ,കുമ്പിളപ്പം വിവിധയിനങ്ങളിലെ മീൻകറികൾ തുടങ്ങിയവ പുതിയ തലമുറയ്ക്ക് പരിചയപ്പെടുത്തി. ജില്ലാ പഞ്ചായത്ത് വൈസ് പ്രസിഡന്റ് ഷൈലജാ ബീഗം, ബ്ലോക്ക് പഞ്ചായത്ത് പ്രസിഡന്റ് ജയശ്രീ,ജലജകുമാരി,സി.ജയശ്രീ,സുജാ കമല,എസ്.അജിത തുടങ്ങിയവർ സംസാരിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |