തിരുവനന്തപുരം: സ്വതന്ത്ര മോട്ടോർ തൊഴിലാളി അസോസിയേഷനും സി.സി.ഒ.എയുടെയും ആഭിമുഖ്യത്തിൽ ഇന്ന് രാവിലെ 11ന് സെക്രട്ടേറിയറ്റിന് മുന്നിൽ അതിജീവന സമരം നടത്തുമെന്ന് ഭാരവാഹികൾ വാർത്താസമ്മേളനത്തിൽ പറഞ്ഞു. സർവീസ് നടത്താതെ നിറുത്തിയിട്ടിരിക്കുന്ന വാഹനങ്ങൾക്ക് റോഡ് ടാക്സ് ഒഴിവാക്കി തരണമെന്നാവശ്യപ്പെട്ട് മുഖ്യമന്ത്രിക്കും ഗതാഗത മന്ത്രിക്കും നിവേദനങ്ങൾ നൽകിയിട്ടും നടപടിയില്ലാത്ത സാഹചര്യത്തിലാണ് സമരം. വാർത്താസമ്മേളനത്തിൽ അസോസിയേഷൻ പ്രസിഡന്റ് എ. നസീർ, സെക്രട്ടറി ബ്രിജിത്ത് എം. രാജ്, വൈസ് പ്രസിഡന്റ് നെയ്യാറ്റിൻകര ചന്ദ്ര ശേഖരൻ, സി.സി.ഒ.എ ജില്ലാ പ്രസിഡന്റ് ജെ.എം. മാഹീൻ, സെക്രട്ടറി സൂര്യ ബിജു, ഗോപൻ എന്നിവർ പങ്കെടുത്തു.