കിളിമാനൂർ:റബർ ബോർഡിന്റെയും പോങ്ങനാട് റബർ ഉല്പാദക സംഘത്തിന്റെയും സംയുക്ത ആഭിമുഖ്യത്തിൽ സംഘടിപ്പിച്ച റബർ ടാപ്പിംഗ് പരിശീലന പരിപാടിയുടെ സർട്ടിഫിക്കറ്റ് വിതരണം നടന്നു. പോങ്ങനാട് നടന്ന പരിപാടിയിൽ പഠിതാക്കൾക്ക് പോങ്ങനാട് ആർ.പി.എസ് പ്രസിഡന്റ് കെ.വിജയൻ, ഫീൽഡ് ഓഫിസർ ദീപസുകുമാർ, വൈസ് പ്രസിഡന്റ് വി.ജയശീലൻ നായർ എന്നിവർ സർട്ടിഫിക്കറ്റ് വിതരണം ചെയ്തു.റബർ ബോർഡ് ടാപ്പിംഗ് സീനിയർ ഇൻസ്ട്രക്ടർ ടി.ശിവദാസൻ, പോങ്ങനാട് ആർ.പി.എസ് വി.ജയശീലൻ നായർ,രാജി, എം.ലെനിൻ,എം.സലിം,എൻ.മാധവക്കുറുപ്പ് ,എം.മുഹമ്മദ് കണ്ണ് എന്നിവർ പങ്കെടുത്തു.