തിരുവനന്തപുരം: കേരള സഹകരണ വേദി സംഘടിപ്പിക്കുന്ന സംസ്ഥാന നേതൃ പഠനക്യാമ്പ് ഇന്ന് രാവിലെ 10ന് അയ്യങ്കാളി ഹാളിൽ സി.പി.ഐ സംസ്ഥാന സെക്രട്ടറി കാനം രാജേന്ദ്രൻ ഉദ്ഘാടനം ചെയ്യും. കേരള സഹകരണ വേദി സംസ്ഥാന സെക്രട്ടറി എൻ. ഭാസുരാംഗൻ സ്വാഗതം പറയും.

സംസ്ഥാന പ്രസിഡന്റ് കെ.ആർ. ചന്ദ്രമോഹനൻ അദ്ധ്യക്ഷത വഹിക്കും. 'കേരളം സഹകരണ മേഖലയ്ക്കൊപ്പം' സെമിനാർ മന്ത്രി വി.എൻ. വാസവൻ ഉദ്ഘാടനം ചെയ്യും. മന്ത്രിമാരായ ചിഞ്ചുറാണി, ജി.ആർ. അനിൽ, കിസാൻ സഭ സംസ്ഥാന സെക്രട്ടറി വി. ചമുണ്ണി, സി.പി.ഐ.ജില്ലാ സെക്രട്ടറി മാങ്കോട് രാധാകൃഷ്ണൻ, കേരള കോ-ഓപ്പറേറ്റീവ് എംപ്ലോയീസ് യൂണിയൻ ജനറൽ സെക്രട്ടറി വി.എം. അനിൽ എന്നിവർ സംസാരിക്കും. ' കേന്ദ്ര ഇടപെടലുകളും സഹകരണ മേഖലയും' എന്ന വിഷയത്തിൽ അഡ്വ.കെ. മദനചന്ദ്രൻ നായരും ' ക്ഷീരമേഖലയും സഹകരണ നിയമവും ' എന്ന വിഷയത്തിൽ എസ്.പി. ശിവകുമാരൻ തമ്പിയും ക്ലാസെടുക്കും.