തിരുവനന്തപുരം: നാഷണൽ ഡെമോക്രാറ്റിക് സോഷ്യൽ മൂവ്മെന്റിന്റെ (എൻ.ഡി.എസ്.എം) ആഭിമുഖ്യത്തിൽ അയ്യങ്കാളി ജന്മദിനാഘോഷവും പ്രതിനിധി സമ്മേളനവും സംഘടിപ്പിക്കും.27ന് രാവിലെ 10ന് പാളയം അയ്യങ്കാളി ഹാളിൽ നടക്കുന്ന ജന്മദിന സമ്മേളനം മന്ത്രി കെ. രാധാകൃഷ്ണൻ ഉദ്ഘാടനം ചെയ്യും. ചടങ്ങിൽ മന്ത്രി ജി.ആർ. അനിൽ മുഖ്യപ്രഭാഷണം നടത്തും. ദേശീയ പുരസ്കാര ജേതാവും ഗായികയുമായ നഞ്ചിയമ്മ, വീണ വൈഗ, കൊല്ലപ്പെട്ട മധുവിന്റെ അമ്മ മല്ലിയമ്മ, പുരാണപാരായണ പാരംഗത ശോഭന പേയാട്, കുമാരൻ വൈദ്യൻ കണ്ണൂർ, സംവിധായകൻ മോഡി രാജേഷ് എന്നിവരെ ചടങ്ങിൽ ആദരിക്കും. ചടങ്ങിൽ എം.എൽ.എമാരായ പി. ശശി, എം. വിൻസെന്റ്, വി.കെ. പ്രശാന്ത്, സി.ആർ. മഹേഷ്, ഒ.എസ്. അംബിക, മുൻ പട്ടികജാതി/വർഗ ഡയറക്ടറും കൃഷിവകുപ്പ് സെക്രട്ടറിയുമായിരുന്ന എസ്.സുകുമാരൻ, കേരള സർവകലാശാല മുൻ പ്രോ വൈസ്ചാൻസലർ ഡോ. എൻ. വീരമണികണ്ഠൻ എന്നിവർ പങ്കെടുക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |