തിരുവനന്തപുരം: കേരള സംസ്ഥാന യുവജന കമ്മിഷൻ 'ലഹരിയാവാം കളിയിടങ്ങളോട് ഗോൾ ചലഞ്ച്' സംഘടിപ്പിച്ചു. ലഹരിക്കെതിരെ സർക്കാർ പ്രഖ്യാപിച്ച രണ്ടുകോടി ഗോൾ കാമ്പയിനോട് ഐക്യദാർഢ്യം പ്രഖ്യാപിച്ചാണ് ചലഞ്ച്.കമ്മിഷൻ അംഗങ്ങളായ എസ്.കെ.സജീഷ്,കെ.പി.പ്രമോഷ്,വി.വിനിൽ,പി.എ.സമദ്,കമ്മിഷൻ സെക്രട്ടറി ഡാർലി ജോസഫ്,അഡ്മിനിസ്‌ട്രേറ്റീവ് ഓഫീസർ പ്രകാശ് ജോസഫ്,ഫിനാൻസ് ഓഫീസർ സി.അജിത് കുമാർ,യുവജന കമ്മിഷൻ സംസ്ഥാന,ജില്ലാ കോ-ഓർഡിനേറ്റർമാർ എന്നിവർ പങ്കെടുത്തു.

'ലഹരിക്കെതിരെ നാടുയരുന്നു' എന്ന പേരിൽ ബോധവത്കരണ പ്രവർത്തനങ്ങളും യുവജന കമ്മിഷൻ നടത്തുന്നുണ്ട്. ജാഗ്രതാ സദസ്, ഹ്രസ്വചിത്ര പ്രദർശനം, സെമിനാർ എന്നിവ സർവകലാശാല,കോളേജ് യൂണിയനുകൾ,യുവജന സംഘടനകൾ,സാംസ്‌കാരിക സന്നദ്ധ സംഘടനകൾ എന്നിവരുടെ സഹകരണത്തോടെ സംഘടിപ്പിക്കും. വിവരങ്ങൾക്ക് ഫോൺ : 0471 2308630.