തൃശൂർ: പ്ലസ് വൺ ഹ്യുമാനിറ്റീസ് പാഠപുസ്തകത്തിൽ 'സാമുദായിക സംവരണം വർഗീയ വിപത്താണെന്നും, സാമ്പത്തിക സംവരണമാണ് പരിഹാരമെന്നു'മുള്ള പരാമർശം ഉൾപ്പെടുത്തിയ എസ്.സി.ഇ.ആർ.ടി ഉദ്യോഗസ്ഥർക്കെതിരെ കർശന നടപടി ഉണ്ടാകണമെന്ന് ശ്രീനാരായണ പെൻഷനേഴ്സ് കൗൺസിൽ. കേരളകൗമുദി വാർത്ത ശ്രദ്ധയിൽ പെട്ടയുടൻ എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ മുഖ്യമന്ത്രിയെയും വിദ്യാഭ്യാസ മന്ത്രിയെയും ശക്തമായ പ്രതിഷേധം അറിയിച്ചിരുന്നു. തുടർന്നാണ് തിരുത്തലിന് സർക്കാർ നിർദേശം നൽകിയത്. ഭരണഘടനാവിരുദ്ധ പരാമർശം പാഠപുസ്തകത്തിൽ ഉൾപെടുത്തിയ സാഹചര്യം വിശദമായ പരിശോധനയ്ക്ക് വിധേയമാക്കുന്നതിന് വസ്തുതാന്വേഷണ കമ്മിഷനെ നിയമിക്കാൻ സർക്കാർ തയ്യാറാകണമെന്നും സമിതി ആവശ്യപ്പെട്ടു. പ്രസിഡന്റ് കെ.എം. സജീവ് അദ്ധ്യക്ഷനായി. സെക്രട്ടറി അഡ്വ. എം.എൻ. ശശിധരൻ റിപ്പോർട്ട് അവതരിപ്പിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |