തൃശൂർ : കേരളത്തിന്റെ സാമൂഹിക മുന്നേറ്റത്തിന് നേതൃത്വം കൊടുത്തിട്ടുള്ള സാമുദായിക സംഘടനകളെ കുറിച്ചും സാമുദായിക സംവരണത്തെ കുറിച്ചും തെറ്റായ പരാമർശം നടത്തിയുള്ള പ്ലസ് വൺ ഹ്യുമാനിറ്റീസ് പാഠപുസ്തകത്തിലെ ഭാഗം തിരുത്താൻ സർക്കാർ തയ്യാറാകണമെന്ന് കെ.പി.എം.എസ് സംസ്ഥാന സംഘടനാ സെക്രട്ടറി ലോചനൻ അമ്പാട്ട് ആവശ്യപ്പെട്ടു. സാമുദായിക സംവരണം വർഗീയ വിപത്താണെന്നും സാമ്പത്തിക സംവരണം ഏർപ്പെടുത്തണമെന്നുമുള്ള അഭിപ്രായത്തിലൂടെ സർക്കാരിന്റെ സംവരണ വിരുദ്ധ നിലപാട് മറനീക്കി പുറത്തു വന്നിരിക്കുകയാണ്. ഭരണഘടനയെ വെല്ലുവിളിക്കുന്ന നിലപാടുകൾക്കെതിരെ ശാഖാ, യൂണിയൻ തലങ്ങളിൽ പാഠഭാഗം കത്തിച്ച് ശക്തമായ പ്രതിഷേധ പരിപാടി സംഘടിപ്പിക്കാനും ആഹ്വാനം ചെയ്തു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |