തൃശൂർ : 80 ശതമാനത്തിലധികം പഞ്ചായത്തുകളും നഗരസഭ ഡിവിഷനുകളും കോർപ്പറേഷൻ ഡിവിഷനുകളും കണ്ടെയ്ൻമെന്റ് സോണുകളായി തുടരുന്നതായും ഇവിടങ്ങളിൽ ജില്ലാ ഭരണകൂടം ഏർപ്പെടുത്തിയിട്ടുള്ള നിയന്ത്രണം കർശനമായി പാലിക്കണമെന്നും കളക്ടർ എസ്. ഷാനവാസ് പറഞ്ഞു.

അധിക നിയന്ത്രണം പിൻവലിച്ചെങ്കിലും ജാഗ്രതയോടെയുള്ള സമീപനമാണ് ഈ ഘട്ടത്തിൽ ആവശ്യമെന്നും പത്ര സമ്മേളനത്തിൽ പറഞ്ഞു. പാൽ, പത്രം, തപാൽ വിതരണം, പാൽ സൊസൈറ്റി എന്നിവ അനുവദനീയമാണ്. കണ്ടെയ്ൻമെന്റ് സോണുകളിൽ റേഷൻകട, പൊതുവിതരണകേന്ദ്രം, സഹകരണസംഘം സ്റ്റോറുകൾ എന്നിവയ്ക്ക് രാവിലെ 8 മുതൽ 5 വരെ പ്രവർത്തിക്കാം.

വിവാഹച്ചടങ്ങുകളിൽ വധൂവരന്മാർ, മാതാപിതാക്കൾ അടക്കം 10 പേർ മാത്രം മതി. തിങ്കൾ, വ്യാഴം ദിവസങ്ങളിൽ രാവിലെ 9 മുതൽ ഒരു മണി വരെ കണ്ണട വ്യാപാരം നടത്താം. വളം, കീടനാശിനി കടകൾ തിങ്കൾ, വർക്ക്‌ഷോപ്പ്, ടയർ റീ സോളിങ് പഞ്ചർ കടകൾ ചൊവ്വ, വ്യാഴം, ഞായർ ദിവസങ്ങളിൽ രാവിലെ 9 മുതൽ വൈകീട്ട് 5 വരെ പ്രവർത്തിക്കാം. 24 മണിക്കൂറും പ്രവർത്തിക്കേണ്ട കമ്പനികൾ / ഫാക്ടറികൾ എന്നിവ ആവശ്യമായ ജീവനക്കാരെ മാത്രം വച്ചു പ്രവർത്തിക്കാം.

മറ്റു ഇളവുകൾ

ബേക്കറികൾ വ്യാഴം, ശനി (രാവിലെ 8 ഉച്ചയ്ക്ക് 1 വരെ ഹോം ഡെലിവറി).

പ്രിന്റിംഗ് പ്രസുകൾ, ഫോട്ടോ സ്റ്റുഡിയോകൾ തിങ്കൾ, വെള്ളി (രാവിലെ 8 മുതൽ ഉച്ചയ്ക്ക് 1 വരെ).

ഇലക്ട്രിക്കൽ, പംബ്ലിംഗ്, പെയിന്റിംഗ് മറ്റു കെട്ടിടനിർമ്മാണ സാമഗ്രികൾ വിൽക്കുന്ന കടകൾ ചൊവ്വ, വ്യാഴം (രാവിലെ 8 മുതൽ ഉച്ചയ്ക്ക് 1 വരെ).

തുണിക്കടകൾ, സ്വർണക്കടകൾ ബുധനാഴ്ച ( രാവിലെ 8 മുതൽ വൈകീട്ട് 7 വരെ).

പണ്ടം പണയം സ്ഥാപനങ്ങൾ ബുധനാഴ്ച (രാവിലെ 9 മുതൽ വൈകീട്ട് 7 വരെ).

വർക്ക്‌ഷോപ്പുകൾ, ടയർ റിസോളിംഗ്, പഞ്ചർ കടകൾ എന്നിവ ചൊവ്വ, വ്യാഴം, ഞായർ ( രാവിലെ 9 മുതൽ വൈകീട്ട് 5 വരെ).

വളം, കീടനാശിനി കടകൾ തിങ്കൾ , ബുധൻ വെള്ളി ( രാവിലെ 8 മുതൽ ഉച്ചയ്ക്ക് 1 വരെ).

പലചരക്ക്, പഴം പച്ചക്കറി കടകൾ തിങ്കൾ, ബുധൻ ,വെള്ളി (രാവിലെ 8 മുതൽ ഉച്ചയ്ക്ക് 1 വരെ വിതണം ആർ.ആർ.ടി.കൾ വഴി).

മത്സ്യ, മാംസകടകൾ ബുധൻ, ശനി ( രാവിലെ 7 മുതൽ ഉച്ചയ്ക്ക് 1 വരെ വിതരണം ആർ.ആർ.ടി.കൾ വഴി ).

സൂപ്പർമാർക്കറ്റുകൾ ഉപഭോക്താക്കൾക്കായി തുറന്നു പ്രവർത്തിക്കാൻ പാടില്ല. രാവിലെ 9 മുതൽ ഉച്ചയ്ക്ക് 1 വരെ ഹോം ഡെലിവറി.

ഷെഡ്യൂൾഡ് ബാങ്കുകൾ, സഹകരണ ബാങ്കുകൾ (രാവിലെ 10 മുതൽ ഉച്ചയ്ക്ക് 2 വരെ).

ആയുർവേദ ചികിത്സാ കേന്ദ്രങ്ങൾ, ദന്തൽ ക്ലിനിക്കുകൾ എന്നിവയ്ക്ക് പ്രവർത്തിക്കാൻ അനുമതി,

കേബിൾ, ഡിടി.എച്ച് സർവ്വീസുകൾ അനുവദനീയം. വിവാഹത്തിന് 10 പേരെ മാത്രം പങ്കെടുപ്പിക്കാം.

വിദ്യാഭ്യാസ സ്ഥാപനങ്ങൾ, ട്രെയിനിംഗ് സ്ഥാപനങ്ങൾ, കോച്ചിംഗ് സെന്ററുകൾ പ്രവർത്തിക്കാൻ പാടില്ല.

മലഞ്ചരക്ക് കടകൾ ശനിയാഴ്ച (രാവിലെ 8 മുതൽ വൈകീട്ട് 5 വരെ ).

കോഴിത്തീറ്റ, കാലിത്തീറ്റ കടകൾ ബുധനാഴ്ച (രാവിലെ 8 മുതൽ വൈകീട്ട് 5 വരെ).

പാലിയേറ്റീവ് കെയർ സർവ്വീസുകൾക്ക് പ്രവർത്തിക്കാം. പ്രൈവറ്റ് സെക്യൂരിറ്റി സർവ്വീസ് അനുവദനീയം.