തൃശൂർ: ശ്രീനാരായണ ഗുരുദേവന്റെ 167ാമത് ജയന്തി എസ്.എൻ.ഡി.പി യോഗം യൂണിയനുകളുടെയും ശാഖകളുടെയും നേതൃത്വത്തിലും ഇതര ശ്രീനാരായണ പ്രസ്ഥാനങ്ങളിലും കൊവിഡ് മാനദണ്ഡം പാലിച്ച് ആഘോഷിച്ചു. കൊവിഡ് പ്രോട്ടോക്കോൾ പാലിച്ച് വിപുലമായ ആഘോഷപരിപാടികൾ ഒഴിവാക്കിയിരുന്നു. ഗുരുദേവന്റെ അലങ്കരിച്ച ഫോട്ടോയ്ക്ക് മുൻപിൽ വിളക്ക് കൊളുത്തിയും, പുഷ്പ്പാർച്ചന നടത്തിയും, പ്രാർത്ഥനകൾ ചൊല്ലിയും ജയന്തി ദിനം ആഘോഷിച്ചു. വീടുകളിലും യൂണിയൻ, ശാഖാ ഓഫീസുകളിലുമെല്ലാമായി ജയന്തിദിനാചരണം നടത്തി.