തൃശൂർ : ആരോഗ്യ ശാസ്ത്ര സർവകലാശാല നടത്തുന്ന 'ഡെവലപ്‌മെന്റ് ഒഫ് സ്‌കെയിൽസ് ആൻഡ് ഗൈഡ്‌ലൈൻസ് ഫോർ ഹെൽത്തി ഏയ്ജിംഗ്' ഗവേഷണ പദ്ധതിയിലേക്ക് റിസർച്ച് ഫെല്ലോയായി 25,000 രൂപ പ്രതിമാസ വേതനത്തിൽ പരമാവധി മൂന്ന് വർഷത്തേക്ക് താത്കാലിക നിയമനം നടത്തുന്നതിന് അപേക്ഷകൾ ക്ഷണിച്ചിരിക്കുന്നു. കേരള ആരോഗ്യശാസ്ത്ര സർവകലാശാലയിൽ നിന്നും ആരോഗ്യശാസ്ത്ര സംബന്ധമായ വിഷയത്തിലുള്ള ബിരുദാനന്തര ബിരുദമോ, സർവകലാശാല അംഗീകരിച്ചിട്ടുള്ള തത്തുല്യ യോഗ്യതകളോ ഉള്ളവരായിരിക്കണം അപേക്ഷകർ. സാമൂഹികാരോഗ്യ വിഷയത്തിൽ രണ്ട് വർഷത്തിൽ കുറയാതെയുള്ള ഗവേഷണ പരിചയം/അദ്ധ്യാപന പരിചയം അഭികാമ്യമാണ്. താത്പര്യമുള്ള ഉദ്യോഗാർത്ഥികൾ വെള്ളക്കടലാസിൽ തയ്യാറാക്കിയ അപേക്ഷയോടൊപ്പം ബന്ധപ്പെട്ട സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം സർവകലാശാലാ ആസ്ഥാനത്ത് 2021 പതിനഞ്ചിന് രാവിലെ 10.30ന് നേരിട്ട് ഹാജരാകണം. കൂടുതൽ വിവരങ്ങൾക്ക് സർവ്വകലാശാലാ വെബ് സൈറ്റ് ' www.kuhs.ac.in' സന്ദർശിക്കുക.