തൃശൂർ: കഥകളി ക്ലബ്ബിന്റെ നേതൃത്വത്തിൽ ഇന്ന് വൈകിട്ട് 5ന് പാറമേക്കാവ് അഗ്രശാലയിൽ കല്യാണസൗഗന്ധികം കഥകളി അവതരിപ്പിക്കും. കലാമണ്ഡലം അരുൺ വാരിയർ, കാലമണ്ഡലം നീരജ്, വേങ്ങേരി നാരായണൻ തുടങ്ങിയവർ പങ്കെടുക്കും. കഥകളിക്ക് മുൻപ് നടക്കുന്ന അനുമോദന സദസിൽ കേരള കലാമണ്ഡലത്തിന്റെ മുകുന്ദരാജ പുരസ്‌കാരത്തിന് അർഹനായ അഡ്വ. സി.കെ. നാരായണൻ നമ്പൂതിരിപ്പാടിനെ ആദരിക്കും. പി. ബാലചന്ദ്രൻ എം.എൽ.എ, കേരള കലാമണ്ഡലം ഭരണ സമിതി അംഗം ഡോ. എൻ.ആർ ഗ്രാമ പ്രകാശ് എന്നിവർ പങ്കെടുക്കും.