തൃശൂർ: ജില്ലയിൽ കൊവിഡ് മരണം മൊത്തം രോഗികളുടെ ഒരു ശതമാനം കടന്നു. ഈ മാസം 14 വരെയുള്ള കണക്കുപ്രകാരം 5,58,347 പേർക്ക് രോഗം സ്ഥിരീകരിച്ചതിൽ 5629 പേരാണ് മരിച്ചത്. 1.01 ശതമാനം പേരുടെ ജീവനാണ് അപഹരിച്ചത്. അതേസമയം മൊത്തം രോഗികളുടെ എണ്ണത്തിൽ മരണം സംഭവിച്ചവരുടെ കണക്കിൽ ജില്ലാ ആറാം സ്ഥാനത്താണ്.
കണ്ണൂർ, തിരുവനന്തപുരം ജില്ലകളിൽ 1.24 ശതമാനം പേർ മരിച്ചപ്പോൾ ആലപ്പുഴ (1.18), കൊല്ലം (1.16), പാലക്കാട് (1.07) എന്നിങ്ങനെയാണ് കണക്ക്. ആകെ മരണത്തിന്റെ കണക്കിൽ തൃശൂർ മൂന്നാം സ്ഥാനത്താണ്. തിരുവനന്തപുരത്ത് 6580 പേർ മരിച്ചപ്പോൾ എറണാകുളത്ത് 5890 പേരാണ് മരിച്ചത്.
നേരത്തെ കൊവിഡ് മരണപ്പട്ടികയിൽ നിന്ന് മാറ്റിനിറുത്തിയവരെ വീണ്ടും മാനദണ്ഡപ്രകാരം ഉൾപ്പെടുത്തിയതോടെയാണ് മരണപ്പട്ടിക കുതിച്ചത്. ഈ മാസം നാലു ദിവസം ഒറ്റ മരണവും റിപ്പോർട്ട് ചെയ്യാത്ത ദിവസങ്ങൾ ഉണ്ടായിരുന്നു. നിലവിൽ പ്രതിദിന കൊവിഡ് മരണനിരക്ക് കുറവാണെങ്കിലും രോഗവ്യാപനം വർദ്ധിച്ചതോടെ ആശങ്ക ഉയരുന്നുണ്ട്. കഴിഞ്ഞ അഞ്ച് ദിവസത്തിനിടെ അയ്യായിരത്തിലേറെ കൊവിഡ് രോഗികളാണ് ഉണ്ടായത്.
നവംബർ മുതലുള്ള മരണനിരക്ക്
ജില്ലയിലെ ആകെ മരണം
ഉയർന്ന ശതമാനമുള്ള ജില്ലകൾ
കൊവിഡ് കണക്കിൽ വൻ വർദ്ധന; രോഗബാധിതർ 1731
തൃശൂർ: ജില്ലയിൽ കൊവിഡ് കണക്കിൽ വൻവർദ്ധന. ഇന്നലെ 1,731 പേർക്കാണ് കൊവിഡ് സ്ഥിരീകരിച്ചത്. രോഗബാധിതരായി ചികിത്സയിൽ കഴിയുന്നവരുടെ എണ്ണം 9000 കടന്നു. ജില്ലയിലെ വിവിധ ആശുപത്രികളിൽ നിലവിൽ ചികിത്സയിലുള്ള 349 പേരും വീട്ടു നിരീക്ഷണത്തിലുള്ള 7,033 പേരും ചേർന്ന് 9,113 പേരാണ് ജില്ലയിൽ ആകെ രോഗബാധിതരായിട്ടുള്ളത്. 201 പേർ രോഗമുക്തരായി. ജില്ലയിൽ ഇതുവരെ കൊവിഡ് 19 സ്ഥിരീകരിച്ചവരുടെ എണ്ണം 5,60,089 ആണ്. 5,47,634 പേരെയാണ് ആകെ രോഗമുക്തരായി ഡിസ്ചാർജ് ചെയ്തത്.
രോഗബാധ ഇന്നലെ
പരിശോധന ഇന്നലെ
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |