തൃശൂർ : ഡി.വൈ.എഫ്.ഐ ജില്ലാ സമ്മേളനത്തിന് പ്രൗഢ തുടക്കം. എരവിമംഗലം പുഴയോരം ഗാർഡനിൽ ജില്ലാ പ്രസിഡന്റ് കെ.വി. രാജേഷ് പതാക ഉയർത്തിയതോടെ, സമ്മേളനനടപടികൾക്ക് തുടക്കമായി. സംസ്ഥാന പ്രസിഡന്റ് എസ്.സതീഷ് ഉദ്ഘാടനം ചെയ്തു. സി.പി.എം ജില്ലാ സെക്രട്ടറി എം.എം.വർഗീസ്, ജില്ലാ സെക്രട്ടറിയറ്റംഗം കെ.കെ.രാമചന്ദ്രൻ എം.എൽ.എ, സ്വാഗതസംഘം ചെയർമാൻ എം.എസ് പ്രദീപ് കുമാർ,കെ.ആർ.ഗിരീഷ്, ഇ.എൻ.അനിൽകുമാർ, ജില്ലാ സെക്രട്ടറി പി.ബി.അനൂപ് എന്നിവർ സംസാരിച്ചു.
സംസ്ഥാന ട്രഷറർ എസ്.കെ.സജീഷ്, കേന്ദ്രകമ്മിറ്റി അംഗങ്ങളായ ജെയ്ക് സി.തോമസ്, ഗ്രീഷ്മ അജയ്ഘോഷ് തുടങ്ങിയവർ പങ്കെടുക്കും. ജില്ലയിലെ 18 ബ്ലോക്ക് കമ്മിറ്റികളിൽ നിന്നായി നാനൂറിൽപരം പ്രതിനിധികൾ പങ്കെടുക്കുന്നുണ്ട്. ചർച്ചകൾക്കും മറുപടികൾക്കും ശേഷം ഇന്ന് പുതിയ ജില്ലാകമ്മിറ്റിയെയും ഭാരവാഹികളെയും തിരഞ്ഞെടുത്ത് സമ്മേളനം സമാപിക്കും.
പാചകത്തൊഴിലാളി യൂണിയൻ മാർച്ച്
തൃശൂർ: സംസ്ഥാന സ്കൂൾ പാചകത്തൊഴിലാളികളുടെ അടിയന്തര പ്രാധാന്യമുള്ള ആവശ്യങ്ങൾ ഉൾക്കൊള്ളുന്ന അവകാശപത്രിക അംഗീകരിക്കണമെന്ന് ആവശ്യപ്പെട്ട് സ്കൂൾ പാചകത്തൊഴിലാളി യൂണിയൻ (എ.ഐ.ടി.യു.സി) 21ന് തൃശൂർ വിദ്യാഭ്യാസ ഉപഡയറക്ടറുടെ ഓഫിസിലേക്ക് മാർച്ച് നടത്തും. സർക്കാർ പ്രഖ്യാപിച്ച മിനിമം കൂലി വിജ്ഞാപനം കാലോചിതമായി പരിഷ്കരിക്കുക, അവധിക്കാല അലവൻസ് പുന:സ്ഥാപിക്കുക, സാമൂഹിക സുരക്ഷാപദ്ധതികൾ ഏർപ്പെടുത്തുമെന്ന വാഗ്ദാനം നടപ്പാക്കുക എന്നിവയാണ് മറ്റ് ആവശ്യങ്ങൾ. രാവിലെ 11ന് എ.ഐ.ടി.യു.സി ജില്ലാ പ്രസിഡന്റ് ടി.കെ.സുധീഷ് മാർച്ച് ഉദ്ഘാടനം ചെയ്യുമെന്ന് യൂണിയൻ സംസ്ഥാന ജനറൽ സെക്രട്ടറി പി.ജി.മോഹനൻ, ജില്ലാ സെക്രട്ടറി സി.കെ.ലതിക, പ്രസിഡന്റ് സി.യു.ശാന്ത, എക്സിക്യൂട്ടീവ് അംഗം ബാബു ചിങ്ങാരത്ത് എന്നിവർ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |