തൃശൂർ: കോസ്റ്റ്ഫോർഡിന്റെയും വിവിധ സർവീസ് സംഘടനകളുടെയും നേതൃത്വത്തിൽ 13നും 14നും റീജ്യണൽ തിയേറ്ററിൽ ഇ.എം.എസ് സ്മൃതി പ്രഭാഷണപരമ്പര നടത്തും. 13ന് 9.30ന് സി.പി.എം ജനറൽ സെക്രട്ടറി സീതാറാം യച്ചൂരി ഉദ്ഘാടനം ചെയ്യും. പ്രൊഫ. പ്രഭാത് പട്നായിക്, എളമരം കരീം എം.പി, തോമസ് ഐസക്, പ്ലാനിംഗ് ബോർഡ് വൈസ് ചെയർമാൻ പ്രൊഫ. വി.കെ. രാമചന്ദ്രൻ, എം. എബേബി, മന്ത്രിമാരായ കെ.എൻ. ബാലഗോപാൽ, കെ. രാധാകൃഷ്ണൻ, ആർ. ബിന്ദു, സി.പി.എം പോളിറ്റ് ബ്യൂറോ അംഗം വൃന്ദ കാരാട്ട് എന്നിവർ രണ്ട് ദിവസത്തെ വിവിധ സെഷനുകളിലായി പ്രഭാഷണം നടത്തുമെന്ന് സംഘാടക സമിതി ഭാരവാഹികളായ എം.എം. വർഗീസ്, എം.എൻ. സുധാകരൻ, സി. ചന്ദ്രബാബു എന്നിവർ പറഞ്ഞു.
സന്തോഷ് ട്രോഫി താരങ്ങൾക്ക് ആദരം
തൃശൂർ: സന്തോഷ് ട്രോഫി നേടിയ കേരള ടീം അംഗങ്ങളെ സന്തോഷ് ട്രോഫി ഫുട്ബാൾ പ്ലെയേഴ്സ് വെൽഫയർ അസോസിയേഷൻ ആദരിക്കും. കേരളത്തിലെ മികച്ച ഫുട്ബാൾ താരങ്ങൾക്ക് ഉപഹാരവും സമ്മാനിക്കും. ഇന്ന് മൂന്നിന് തൃശൂർ ബാനർജി ക്ലബിൽ അസോസിയേഷന്റെ വാർഷിക പൊതുയോഗവും അനുമോദന ചടങ്ങും മന്ത്രി കെ. രാധാകൃഷ്ണൻ ഉദ്ഘാടനം ചെയ്യും. പി. ബാലചന്ദ്രൻ എം.എൽ.എ, മുൻ ഇന്ത്യൻ താരം വിക്ടർ മഞ്ഞില, സന്തോഷ് ട്രോഫി മുൻ താരം ഡോ. രാജഗോപാൽ എന്നിവർ പങ്കെടുക്കുമെന്ന് അസോസിയേഷൻ പ്രസിഡന്റ് ജോസ് പി. അഗസ്റ്റിൻ, അംഗങ്ങളായ മാർട്ടിൻ മാത്യു, കെ.എഫ്. ബെന്നി എന്നിവർ പറഞ്ഞു.
സംരംഭകത്വ ശിൽപ്പശാല
തൃശൂർ: സംരംഭകരാകാൻ ആഗ്രഹിക്കുന്ന വനിതകൾക്കും വനിതാ സ്റ്റാർട്ടപ്പുകൾക്കും ഇൻസ്റ്റിറ്റ്യൂട്ട് ഫൊർ എൻട്രപ്രണർഷിപ്പ് ഡെവലപ്മെന്റിന്റെയും ടൈ കേരളയുടെയും ആഭിമുഖ്യത്തിൽ സൗജന്യ സംരംഭകത്വ വർക്ക്ഷോപ്പ് 23ന് കളമശ്ശേരി ഇൻസ്റ്റിറ്റ്യൂട്ട് ഫൊർ എൻട്രപ്രണർഷിപ്പ് ഡെവലപ്മെന്റിൽ നടത്തും. താത്പര്യമുള്ളവർ www.kied.infoൽ ഓൺലൈനായി 20ന് മുമ്പ് അപേക്ഷിക്കണം. കൂടുതൽ വിവരങ്ങൾക്ക് ഫോൺ: 0484 2532890, 2550322.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |