തൃശൂർ : അഴിമതി മുഖ്യൻ രാജിവയ്ക്കുക, രാഹുൽ ഗാന്ധിയുടെ ഓഫീസ് തകർത്ത എസ്.എഫ്.ഐക്കാരെ അറസ്റ്റ് ചെയ്യുക തുടങ്ങി വിവിധ ആവശ്യങ്ങൾ ഉന്നയിച്ച് യു.ഡി.എഫ് നടത്തിയ കളക്ടറേറ്റ് മാർച്ച് സർക്കാരിന് മുന്നറിയിപ്പായി. യു.ഡി.എഫിന്റെ സമരപരിപാടികളുടെ സംസ്ഥാനതല ഉദ്ഘാടനമായിരുന്നു തൃശൂരിൽ. പ്രതിപക്ഷ നേതാവ് വി.ഡി.സതീശൻ ഉദ്ഘാടനം ചെയ്തു. യു.ഡി.എഫ് ജില്ലാ ചെയർമാൻ ജോസഫ് ചാലിശ്ശേരി അദ്ധ്യക്ഷത വഹിച്ചു. ഡി.സി.സി പ്രസിഡന്റ് ജോസ് വള്ളൂർ, ജില്ലാ കൺവീനർ കെ.ആർ.ഗിരിജൻ, സനീഷ് കുമാർ ജോസഫ് എം.എൽ.എ, സി.എച്ച്.റഷീദ്, തോമസ് ഉണ്ണിയാടൻ, പദ്മജ വേണുഗോപാൽ, ഒ.അബ്ദുൾ റഹ്മാൻ കുട്ടി, സി.എ.മുഹമ്മദ് റഷീദ്, എം.പി.വിൻസെന്റ്, അനിൽ അക്കര, പി.എം.ഏലിയാസ് , ബി.ശശിധരൻ, കെ.എൻ.പുഷ്പാംഗദൻ, പി. എ.മാധവൻ, ടി.വി.ചന്ദ്രമോഹൻ, എം.കെ.പോൾസൺ മാസ്റ്റർ, സുനിൽ അന്തിക്കാട്, ഐ.പി.പോൾ, സി.സി.ശ്രീകുമാർ തുടങ്ങിയവർ സംസാരിച്ചു.
എൽ.ഡി.എഫ് റാലിയും പൊതുസമ്മേളനവും
തൃശൂർ : വർഗീയ കലാപം സൃഷ്ടിക്കാനുള്ള ഭീകര പ്രവർത്തനങ്ങൾക്കെതിരെയും മുഖ്യമന്ത്രിക്കും കുടുംബത്തിനുമെതിരായ ഗൂഢാലോചനയ്ക്കെതിരെയും എൽ.ഡി.എഫ് ജില്ലാകമ്മിറ്റിയുടെ നേതൃത്വത്തിൽ ഇന്ന് വൈകീട്ട് 4ന് ബഹുജനറാലി നടത്തും. സി.പി.എം കേന്ദ്രകമ്മിറ്റി അംഗം എ.കെ.ബാലൻ റാലി ഉദ്ഘാടനം ചെയ്യും. മന്ത്രിമാരായ കെ.രാധാകൃഷ്ണൻ, കെ.രാജൻ, ഘടകകക്ഷി നേതാക്കളായ അഡ്വ.ജോസ് ജോസഫ്, പി.കെ.രാജൻ മാസ്റ്റർ, അഡ്വ.ജോസ് തെറ്റയിൽ, എം.കെ.ഭാസ്കരൻ, സി.ആർ.വത്സൻ, റോയ് വാരിയത്ത്കാട്, പോൾസൺ മാത്യു, എം.എ. ലത്തീഫ് തുടങ്ങിയവർ സംസാരിക്കും.
റാലി വിജയിപ്പിക്കും
തൃശൂർ: സ്വപ്ന സുരേഷുമായി ഗൂഢാലോചന നടത്തി മുഖ്യമന്ത്രിക്കും ഇടതു സർക്കാരിനുമെതിരെ ദുഷ്പ്രചാരണം നടത്തുന്ന യു.ഡി.എഫ് ബി.ജെ.പി കൂട്ടുകെട്ടിനെ പ്രതിരോധിക്കാൻ കേരള കോൺഗ്രസ് (എം) ജില്ലാ കമ്മിറ്റി യോഗം തീരുമാനിച്ചു. ഇന്ന് തെക്കെ ഗോപുര നടയിൽ നടത്തുന്ന ബഹുജന റാലിയിൽ അഞ്ഞൂറ് പാർട്ടി പ്രവർത്തകരെ പങ്കെടുപ്പിക്കാനും തീരുമാനിച്ചു. ജില്ലാ പ്രസിഡന്റ് ഉണ്ണിക്കൃഷ്ണൻ ഈച്ചരത്ത് അദ്ധ്യക്ഷത വഹിച്ചു. നേതാക്കളായ ബേബി മാത്യു കാവുങ്കൽ, ഡെന്നിസ് ആന്റണി, ബേബി നെല്ലിക്കുഴി, വി.എം മാണി, ജോസ് മുതുകാട്ടിൽ തുടങ്ങിയവർ പ്രസംഗിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |