തൃശൂർ : വടക്കുന്നാഥ ക്ഷേത്രത്തിൽ കർക്കടകം ഒന്നിന് നടക്കുന്ന ആനയൂട്ട് ദിനത്തിൽ ആന കാരണവരായ വടക്കുന്നാഥൻ ചന്ദ്രശേഖരനെ ആദരിക്കുന്നു. 84 വയസോളം പ്രായമായ ചന്ദ്രശേഖരൻ ആനയെ വടക്കുന്നാഥ ക്ഷേത്രത്തിൽ നടയിരുത്തിയതാണ്. ആനയൂട്ട് ദിനത്തിൽ ആനയൂട്ടിന് മുമ്പായി ചന്ദ്രശേഖരൻ ആനയെ മന്ത്രിമാർ പൊന്നാട അണിയിക്കും.
ഗുരുവായൂരിൽ ഭണ്ഡാരവരവ് 4.67 കോടി
ഗുരുവായൂർ: ഗുരുവായൂരിൽ കഴിഞ്ഞ ഒരു മാസത്തെ ഭണ്ഡാരം വരവായി 4.67 കോടി രൂപ ലഭിച്ചു. ഇന്നലെയാണ് ഭണ്ഡാരം എണ്ണൽ പൂർത്തിയായത്. 5.080 കിലോ സ്വർണ്ണവും 27.440 കിലോ വെള്ളിയും ഭണ്ഡാരത്തിൽ നിന്നും ലഭിച്ചിട്ടുണ്ട്. കനറാ ബാങ്ക് ഗുരുവായൂർ ശാഖയ്ക്കാണ് ഭണ്ഡാരം എണ്ണിത്തിട്ടപ്പെടുത്താനുള്ള ചുമതല.
നവോത്ഥാനത്തിലെ സ്ത്രീ പങ്കാളിത്തം
അവഗണിക്കാനാവാത്തത്
തൃശൂർ: നവോത്ഥാനത്തിലെ സ്ത്രീപങ്കാളിത്തവും സ്ത്രീ മുന്നേറ്റവും ചരിത്രത്തിന് അവഗണിക്കാനാവാത്തതാണെന്ന് യുവകലാസാഹിതി സംസ്ഥാന പ്രസിഡന്റ് ആലങ്കോട് ലീലാകൃഷ്ണൻ പറഞ്ഞു. ഇന്ന് എല്ലാം രംഗത്തും സ്ത്രീകൾക്ക് പങ്കാളിത്തം ലഭിക്കുന്നുണ്ടെങ്കിലും പലപ്പോഴും അസംഘടിത മേഖലകളിൽ സ്ത്രീകൾ തഴയപ്പെടുകയാണ്. സർവീസ് മേഖലയിൽ പോലും പുരുഷന് ലഭിക്കുന്ന പരിഗണന സ്ത്രീകൾക്ക് ലഭിക്കുന്നില്ലെന്നും അദ്ദേഹം പറഞ്ഞു. ജോയിന്റ് കൗൺസിൽ സംസ്ഥാന വനിതാ കമ്മിറ്റിയുടെ നേതൃത്വത്തിലുള്ള 'ഉണർവ് വനിത മുന്നേറ്റ ജാഥ'യുടെ ജില്ലയിലെ പര്യടനത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സി.പി.ഐ ജില്ലാ സെക്രട്ടറി കെ.കെ.വത്സരാജ് അദ്ധ്യക്ഷത വഹിച്ചു. എ.ഐ.ടി.യു.സി ജനറൽ സെക്രട്ടറി കെ.പി.രാജേന്ദ്രൻ, ജില്ലാ പഞ്ചായത്ത് വൈസ് പ്രസിഡന്റ് ഷീന പറയങ്ങാട്ടിൽ, കവയിത്രി വിജയരാജ മല്ലിക, മഹിളാ സംഘം ജില്ലാ ജോയിന്റ് സെക്രട്ടറി കെ.എസ്.ജയ, ജോയിന്റ് കൗൺസിൽ സംസ്ഥാന ചെയർമാൻ കെ.ഷാനവാസ്ഖാൻ, വൈസ് ചെയർമാൻ കെ.എ.ശിവൻ, എം.യു.കബീർ, സമീറ വി.എച്ച് തുടങ്ങിയവർ പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |