ചാലക്കുടി: പകൽ മഴ വിട്ടു നിന്നതോടെ, വെള്ളപ്പൊക്ക ഭീഷണി ഒഴിഞ്ഞെങ്കിലും ഡാമുകളിലെ വെള്ളം ചാലക്കുടിപ്പുഴയിലെത്തിയതോടെ, താഴ്ന്ന പ്രദേശങ്ങളിലെ സ്ഥിതി രൂക്ഷമാണ്.

കാടുകുറ്റി പഞ്ചായത്തിലെ നൂറോളം വീടുകളിൽ വെള്ളം കേറി. ഇവിടെ നിന്ന് കൂടുതൽ കുടുംബങ്ങളെ ദുരിതാശ്വാസ ക്യാമ്പിലേക്ക് മാറ്റി. വെള്ളിയാഴ്ച രാവിലെ മുതലാണ് കാടുകുറ്റിയിലെ താഴ്ന്ന പ്രദേശങ്ങളിലേക്ക് പാടശേഖരങ്ങളിൽ നിന്നും വെള്ളമെത്തിയത്.

അന്നനാട് പാമ്പുത്തറ കോളനിയിലെ 20 വീടുകളിലേക്ക് വെള്ളം കയറി. വാളൂർ പാടത്ത് മുപ്പത് വീടുകളിലേക്കും മലവെള്ളമെത്തി. അന്നനാട് ചാത്തൻചാൽ, ചാത്തൻമൂല, കല്ലൂർ, അമ്പഴക്കാട് എന്നിവിടങ്ങളിലും ആളുകൾക്ക് വീട് വിട്ടൊഴിയേണ്ടി വന്നു. കൊരട്ടി പഞ്ചായത്തിന്റെ ചില ഭാഗങ്ങളിലും വെള്ളക്കെട്ട് രൂക്ഷമായി.

കാടുകുറ്റി പഞ്ചായത്തിലെ പാമ്പൂത്തറ, തൂമ്പുമുറിപ്പാടം തുടങ്ങിയ പ്രദേശങ്ങളിൽ വെള്ളിയാഴ്ച രാവിലെ മുതലാണ് വെള്ളം കയറിയത്. പുഴയുടെ മേൽഭാഗത്ത് പാടശേഖരങ്ങളിൽ നിന്നും ഇറങ്ങിയ വെള്ളം സ്വാഭാവികമായി പുഴയിലേക്ക് തിരിച്ചെത്തുന്നതാണ് താഴ്ന്ന ഭാഗത്തെ വെള്ളക്കെട്ടിന് കാരണമാകുന്നത്. പാമ്പുത്തറയിലെ താലിക്കുഴി പാടശേഖരത്തിൽ നിന്നും വെള്ളം കയറി പ്രദേശത്തെ വീട്ടുകാരെ വെള്ളിയാഴ്ച ദുരിതാശ്വാസ ക്യാമ്പുകളിലേക്ക് മാറ്റി. കാവുങ്ങ മോഹനൻ, മുല്ലശേരി സുബ്രൻ, രതീഷ് തുടങ്ങിയവരുടെ വീടുകളിൽ വലിയ തോതിൽ മലവെള്ളമെത്തി.

എല്ലാ വർഷവും ഇത്തരത്തിൽ ദുരിതം അനുഭവിക്കേണ്ടി വരുന്നുണ്ടെന്ന് വെള്ളക്കെട്ടുണ്ടായ വീട്ടുടമയും കെ.എസ്.ആർ.ടി.സി ഡ്രൈവറുമായ മറ്റത്തിൽ അജു പറഞ്ഞു. താലിപ്പാടം തോട്ടിൽ നിന്നും വെള്ളമെത്തി ഇതുവഴിയുള്ള ഗതാഗതം നിലച്ചു. വെസ്റ്റ് കൊരട്ടിയിലും ചെറുവാളൂരിലും ഇതേ അവസ്ഥയാണ്. കൊരട്ടി മാള റോഡിൽ വെള്ളം കയറി ഗതാഗതം സ്തംഭിച്ചു.

ഒഴുക്കുന്നത് 837 ഘന അടി

പെരിങ്ങൽക്കുത്ത് ഡാമിൽ നിന്നും പുറത്തേയ്ക്ക് വിടുന്ന വെള്ളത്തിന്റെ അളവ് കുറച്ചിട്ടില്ല. വെള്ളിയാഴ്ച വൈകീട്ട് 3ന് കണക്ക് പ്രകാരം സെക്കൻഡിൽ 837 ഘന അടി വെള്ളമാണ് ചാലക്കുടിപ്പുഴയിലേക്ക് ഒഴുക്കുന്നത്. തുറന്നിട്ടിരിക്കുന്ന സ്ലൂയിസ് വാൽവിൽ ഒന്ന് അടയ്ക്കാനാണ് കെ.എസ്.ഇ.ബിയുടെ തീരുമാനം.

അന്നനാട്ടെ ക്യാ​മ്പിൽ ആള്​ ​കൂ​ടു​ന്നു

കാ​ടു​കു​റ്റി​:​ ​കൂ​ടു​ത​ൽ​ ​ആ​ളു​ക​ളെ​ത്തി​യ​തോ​ടെ​ ​സ​ജീ​വ​മാ​യി​ ​അ​ന്ന​നാ​ട് ​യൂ​ണി​യ​ൻ​ ​ഹ​യ​ർ​ ​സെ​ക്ക​ൻ​ഡ​റി​ ​സ്‌​കൂ​ളി​ലെ​ ​ദു​രി​താ​ശ്വാ​സ​ ​ക്യാ​മ്പ്.​ ​പ​ഞ്ചാ​യ​ത്തി​ലെ​ ​താ​ഴ്ന്ന​ ​പ്ര​ദേ​ശ​ങ്ങ​ളി​ൽ​കൂ​ടി​ ​വെ​ള്ള​മെ​ത്തി​യ​തോ​ടെ​യാ​ണ് ​ക്യാ​മ്പി​ലെ​ ​അം​ഗ​സം​ഖ്യ​ ​കൂ​ടി​യ​ത്.​ 129​ ​കു​ടും​ബ​ങ്ങ​ളി​ൽ​ ​നി​ന്നാ​യി​ 330​ ​പേ​രാ​ണ് ​വെ​ള്ളി​യാ​ഴ്ച​ ​ക്യാ​മ്പി​ലു​ള്ള​ത്.​ ​പ​ഞ്ചാ​യ​ത്ത് ​ഭ​ര​ണ​ ​സ​മി​തി​ ​നേ​തൃ​ത്വം​ ​ന​ൽ​കു​ന്ന​ ​ക്യാ​മ്പി​ൽ​ ​ജ​ന​പ്ര​തി​നി​ധി​ക​ൾ​ക്ക് ​പു​റ​മേ​ ​കു​ടും​ബ​ശ്രീ​ ​പ്ര​വ​ർ​ത്ത​ക​രും​ ​സ​ജീ​വ​മാ​ണ്.

സി​വി​ൽ​ ​സ​പ്ലൈസ്​ ​ഡി​പ്പാ​ർ​ട്ട്‌​മെ​ന്റി​ൽ​ ​നി​ന്നും​ ​ല​ഭി​ക്കു​ന്ന​ ​ഭ​ക്ഷ്യ​വ​സ്തു​ക്ക​ൾ​ക്ക് ​പു​റ​മേ​ ​സ​ന്ന​ദ്ധ​ ​പ്ര​വ​ർ​ത്ത​ക​രും​ ​ഭ​ക്ഷ്യ​വ​സ്തു​ക്ക​ൾ​ ​ക്യാ​മ്പി​ലെ​ത്തി​ക്കു​ന്നുണ്ട്.​ ​കു​ടും​ബാ​രോ​ഗ്യ​ ​കേ​ന്ദ്ര​ത്തി​ൽ​ ​നി​ന്നും​ ​ആ​രോ​ഗ്യ​ ​പ്ര​വ​ർ​ത്ത​ക​രെ​ത്തി​ ​ക്യാ​മ്പി​ലു​ള്ള​വ​രെ​ ​പ​രി​ശോ​ധി​ക്കു​ന്നു​മുണ്ട്. വെ​ള്ള​പ്പൊ​ക്ക​ ​ഭീ​ഷ​ണി​ ​പ്ര​തി​രോ​ധി​ക്കു​ന്ന​തി​ന് ​ക്യാ​മ്പ് ​ഒ​ത്തൊ​രു​മ​യോ​ടെ​ ​മു​ന്നേ​റു​ന്നു​ണ്ടെ​ന്ന് ​പൊ​തു​പ്ര​വ​ർ​ത്ത​ക​ൻ​ ​ടി.​എ​ൻ.​സു​രേ​ഷ് ​പ​റ​ഞ്ഞു.

പ​ഞ്ചാ​യ​ത്തം​ഗ​ങ്ങ​ളാ​യ​ ​രാ​ഖി​ ​സു​രേ​ഷ്,​ ​കെ.​എ​ൻ.​രാ​ജേ​ഷ് ​എ​ന്നി​വ​ർ​ക്കാ​ണ് ​ക്യാ​മ്പി​ന്റെ​ ​ചു​മ​ത​ല.​ ​പ​ഞ്ചാ​യ​ത്ത് ​പ്ര​സി​ഡ​ന്റ് ​പ്രി​ൻ​സി​ ​ഫ്രാ​ൻ​സി​സ്,​ ​വൈ​സ് ​പ്ര​സി​ഡ​ന്റ് ​പി.​സി.​അ​യ്യ​പ്പ​ൻ​ ​തു​ട​ങ്ങി​വ​ർ​ ​നേ​തൃ​ത്വം​ ​ന​ൽ​കു​ന്നു.​ ​സി.​പി.​എം​ ​ജി​ല്ലാ​ ​സെ​ക്ര​ട്ട​റി​ ​എം.​എം.​വ​ർ​ഗീ​സ് ​ക്യാ​മ്പ് ​സ​ന്ദ​ർ​ശി​ച്ചു.