കൊച്ചി: എൽ.ഐ.സിയുടെ പുതിയ ഇൻഡക്സ് പ്ളസ് പ്ളാൻ ചെയർപേഴ്സൺ സിദ്ധാർത്ഥ മൊഹന്തി വിപണിയിൽ അവതരിപ്പിച്ചു. ഒരു യൂണിറ്റ് ലിങ്ക്ഡ് റെഗുലർ പ്രീമിയം,വ്യക്തിഗത ഇൻഷ്വറൻസ് പ്ലാനാണിത്. പോളിസി കാലയളവിൽ സമ്പാദ്യവും ഇൻഷ്വറൻസ് സംരക്ഷണവും വാഗ്ദാനം ചെയ്യുന്നു. പ്രാബല്യത്തിലുള്ള പോളിസികൾക്ക് വാർഷിക പ്രീമിയത്തിന്റെ നിശ്ചിത ശതമാനം തുക ഉറപ്പായി ഫണ്ടിലേക്ക് ചേർക്കുകയും തുക പുതിയ യൂണിറ്റുകൾ ഉപയോഗിക്കുകയും ചെയ്യുന്നു.
പോളിസിയിൽ ചേരാനുള്ള കുറഞ്ഞ പ്രായം 90 ദിവസം. പരമാവധി പ്രായം പോളിസി തുക അനുസരിച്ചു 50 അല്ലെങ്കിൽ 60 വയസ്.
തുക അനുസരിച്ചു കാലാവധി പൂർത്തിയാകുമ്പോഴുള്ള കുറഞ്ഞ പ്രായം 18 വയസും കൂടിയ പ്രായം 75 അല്ലെങ്കിൽ 85 വയസായും നിജപ്പെടുത്തിയിട്ടുണ്ട്. വ്യവസ്ഥകൾക്ക് വിധേയമായി ഭാഗികമായി പിൻവലിക്കാനാകും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |