കൊച്ചി: മാർച്ച് 31ന് അവസാനിച്ച 2020-21 സാമ്പത്തികവർഷത്തിൽ ധനലക്ഷ്മി ബാങ്ക് കൈവരിച്ചത് 105.09 കോടി രൂപയുടെ പ്രവർത്തനലാഭം. ഇക്കാലയളവിലെ അറ്റാദായം 37 .19 കോടി രൂപയാണ്. ബാങ്കിന്റെ മൊത്തം ബിസിനസ് 6 .39 ശതമാനം വളർച്ച കൈവരിച്ച് 18,​834 കോടി രൂപയായി. തൊട്ടുമുൻപുള്ള സാമ്പത്തികവർഷത്തിൽ മൊത്തം ബിസിനസ് 17,​703 കോടി രൂപയായിരുന്നു. നിക്ഷേപം 7 .41 ശതമാനം വളർച്ച കൈവരിച്ച് 11,​712 കോടി രൂപയായും
വായ്പ 4 .75 ശതമാനം വർദ്ധിച്ച 7,​122 കോടി രൂപയുമായി. മുൻവർഷത്തെ അപേക്ഷിച്ച് 46.61 ശതമാനം വർദ്ധനവാണ് സ്വർണപ്പണയ വായ്പയിൽ നേടിയത്. പലിശയേതര വരുമാനത്തിലും ഗണ്യമായ വർദ്ധനവ് നേടാൻ ബാങ്കിന്
സാധിച്ചു. നടപ്പുസാമ്പത്തികവർഷത്തിൽ ചെറുകിട വായ്പ, സ്വർണപ്പണയ വായ്പ , കറന്റ്/സേവിംഗ്സ് ബാങ്ക് നിക്ഷേപം, നിഷ്ക്രിയ ആസ്തി തിരിച്ചുപിടിക്കൽ, പലിശയേതര വരുമാന വർദ്ധനവ് എന്നിവയ്ക്കായിരിക്കും ബാങ്ക് കൂടുതൽ ഊന്നൽ നൽകുന്നത്.