കൊച്ചി: തുടർച്ചയായ മൂന്നാംദിവസവും സംസ്ഥാനത്തെ സ്വർണവില ഉയർന്നു. ഒരു പവൻ സ്വർണത്തിന് ഇന്നലെ 280 രൂപ വർദ്ധിച്ച്, 37,640 രൂപയായി. ഗ്രാമിന് 35രൂപ കൂടി 4705 രൂപയായി. മൂന്നുദിവസത്തിനിടെ 760 രൂപയുടെ വർദ്ധനയാണ് സ്വർണത്തിനുണ്ടായത്. വെള്ളിയാഴ്ച 320 രൂപ പവന് വർദ്ധിച്ചിരുന്നു.

ഏറെ നാളായി ഇടിഞ്ഞുകൊണ്ടിരുന്ന സ്വർണവില കഴിഞ്ഞ ദിവസങ്ങളിലാണ് ഉയരാൻ തുടങ്ങിയത്. മേയ് 12 ന് സ്വർണവില ഉയർന്നിരുന്നു. 360 രൂപയുടെ വർദ്ധനയാണ് അന്ന് ഉണ്ടായത്. എന്നാൽ തൊട്ടടുത്ത ദിവസം തന്നെ സ്വർണവില ഇടിയുകയായിരുന്നു. മേയ് 17നും സ്വർണവിലയിൽ വർദ്ധനയുണ്ടായി എന്നാൽ തൊട്ടടുത്ത ദിവസം അതിന്റെ ഇരട്ടി കുറയുകയുംചെയ്തു. ഇതിനുശേഷം, മേയ് 19, 20,21 തീയതികളിൽ വിലയിൽ വർദ്ധനയുണ്ടായി.