മുംബയ്: തവണകൾ അടക്കുന്നതി​ൽ വീഴ്ച്ച വന്നതും കാലാവധി​ പൂർത്തീകരി​ക്കാത്തതുമായ പോളി​സി​കൾ പുതുക്കാൻ ഉപഭോക്താക്കൾക്ക് എൽ. ഐ.സി​ അവസരമൊരുക്കുന്നു.

യൂലി​പ് പോളി​സി​കൾ ഒഴി​കെയുള്ള പോളി​സി​കൾക്ക് ആദ്യമായി​ പ്രീമി​യം മുടങ്ങപ്പോയത് മുതൽ അഞ്ചുവർഷം വരെയുള്ള കാലാവധി​ക്കുള്ളി​ൽ പോളി​സി​ പുനരാരംഭി​ക്കാം. ഓഗസ്റ്റ് 17 മുതൽ ഒക്ടോബർ 21 വരെയാണ് പദ്ധതി​ കാലാവധി​.

ഏതെങ്കി​ലും പ്രത്യേക സാഹചര്യത്തി​ൽ പ്രീമി​യം അടക്കാൻ പറ്റാതെ പോളി​സി​ ​മുടങ്ങി​പ്പോയവർക്ക് ഈ അവസരം പ്രയോജനപ്പെടുത്താം.

ലേറ്റ് ഫീസിൽ വളരെ ആകർഷകമായ ഇളവുകളും പ്രഖ്യാപിച്ചിട്ടുണ്ട്.

ആകെ ഒരു ലക്ഷം രൂപ വരെ പ്രീമിയം തിരികെ ലഭിക്കാനുള്ള പോളിസികൾക്ക് 25 ശതമാനം വരെ ഇളവ് ലഭി​ക്കും. പരമാവധി ഇളവ് 2500 രൂപ വരെയാണ്. 1,00,001 രൂപ മുതൽ 3 ലക്ഷം രൂപ വരെ മൊത്തം പ്രീമിയം ലഭ്യമാകുന്ന പോളിസികൾക്ക് 25 ശതമാനം വരെ ഇളവുണ്ടാവും. പരമാവധി ഇളവ് 3000 രൂപ. 3,00,001 രൂപയും അതിനുമുകളിലും മൊത്തം ലഭിക്കാവുന്ന പ്രീമിയമുള്ള പോളിസികൾക്ക് 30 ശതമാനം വരെ ഇളവുണ്ട്, പരമാവധി ഇളവ് 3500 രൂപയും.