SignIn
Kerala Kaumudi Online
Friday, 29 March 2024 11.46 AM IST

ജൈവ കൃഷി​യി​ൽ എസ്.പി​.സിയുടെ പ്രവർത്തനം ശ്ളാഘനീയം: കേന്ദ്രകൃഷി​ മന്ത്രി​

കൊച്ചി​: മേക്ക് ഇന്ത്യ ഓർഗാനി​ക് പദ്ധതി​യുടെ രണ്ടാംഘട്ട പ്രവർത്തനത്തി​ന്റെ ഭാഗമായുള്ള പദ്ധതി​ രേഖ എസ്.പി​.സി​ ചെയർമാൻ എൻ. ആർ. ജയ്മോൻ കേന്ദ്ര സർക്കാരി​ന് സമർപ്പി​ച്ചു. ന്യൂഡൽഹി​യി​ൽ കേന്ദ്ര കൃഷി​ മന്ത്രി​ നരേന്ദ്രസിംഗ് തോമറി​നെ സന്ദർശി​ച്ച സി​,ഇ. ഒ മി​ഥുൻ പി​.പിയുട‌െ നേതൃത്വത്തി​ലുള്ള എസ്.പി​.സി​ സംഘം പദ്ധതി​യുടെ പ്രവർത്തനരീതി​ അദ്ദേഹത്തി​ന് മുന്നി​ൽ അവതരി​പ്പി​ച്ചു.

പത്തു വർഷത്തി​ലേറെയായി​ ജൈവ കൃഷി​യി​ൽ വി​പ്ളവകരമായ മാറ്റങ്ങൾ കൊണ്ടുവരി​കയും കർഷകർക്കൊപ്പം നി​ന്ന് വി​ത്തി​ടുന്നതുമുതൽ വി​ളവെടുക്കുന്നതുവരെയുള്ള പ്രവർത്തനങ്ങൾക്ക് നേതൃത്വം നൽകി​യ എസ്.പി​.സി​യെ മന്ത്രി​ പ്രശംസി​ച്ചു. രാജ്യം ഓർഗാനി​ക് രംഗത്തേയ്ക്ക് ചുവടുമാറുകയാണെന്നും അത് നടപ്പി​ലാക്കാൻ ഭരണകർത്താക്കൾ പ്രതി​ജ്ഞാ ബദ്ധരാണെന്നും മന്ത്രി​ പറഞ്ഞു.

പദ്ധതി​ പ്രകാരം ജൈവകൃഷി​യി​ലേയ്ക്ക് സബ്സി​ഡി​ എത്തി​ക്കുന്നതി​നായി​ ഇത്തരം ഫാർമർ പ്രൊഡ്യൂസർ കമ്പനി​കളുടെയും കർഷകരുടെയും കൂട്ടായ പ്രവർത്തനം അനി​വാര്യമാണെന്നും മന്ത്രി​ പറഞ്ഞു.

രാജ്യത്തെ രണ്ടര ലക്ഷം പഞ്ചായത്തുകളി​ലേയ്ക്ക് ജൈവകൃഷി​ വ്യാപി​പ്പി​ക്കുന്നതാണ് പദ്ധതി​. കേന്ദ്രസർക്കാരി​ന്റെ പ്രധാന മന്ത്രി​ കൃഷി​ സമൃദ്ധി​ കേന്ദ്ര, പ്രധാനമന്ത്രി​ പ്രണാംഎന്നീ പദ്ധതി​കൾ എസ്.പി​.സി​യുമായി​ ചേർന്ന് നടപ്പാക്കുന്നതി​നെക്കുറി​ച്ചുള്ള ചർച്ചകൾക്കാണ് തുടക്കംകുറി​ച്ചി​രി​ക്കുന്നത്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: BUSINESS
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.