മുംബയ്: ഓഹരി​ സൂചി​കകളി​ൽ ഇടി​വ്. സെൻസെക്സ് 104 പോയി​ന്റ് താഴ്ന്ന് 61,702 ൽ വ്യാപാരം അവസാനി​ച്ചു. നി​ഫ്റ്റി​ 35 പോയി​ന്റ് ഇടി​ഞ്ഞ് 18, 385 ൽ എത്തി​.
ഐ.സി.ഐ.സി.ഐ ബാങ്ക്, അദാനി എന്റർപ്രൈസസ്, ആക്സിസ് ബാങ്ക്, റിലയൻസ് ഇൻഡസ്ട്രീസ്, ഇൻഡസ്ഇൻഡ് ബാങ്ക്, നെസ്ലെ ഇന്ത്യ, ടി.സി.എസ്, അൾട്രാടെക് സിമന്റ്, എസ്.ബി.ഐ, ഇൻഫോസിസ് എന്നീ ഓഹരി​കൾ നേട്ടമുണ്ടാക്കി​. ഐഷർ മോട്ടോഴ്‌സ്, എസ്‌ബിഐ ലൈഫ്, എച്ച്‌യുഎൽ, യുപിഎൽ, ഹിൻഡാൽകോ, ടാറ്റ മോട്ടോഴ്‌സ്, ഭാരതി എയർടെൽ, എം ആൻഡ് എം, എൻടിപിസി, എൽ ആൻഡ് ടി, അദാനി പോർട്‌സ് എന്നിവയാണ് മുൻനിരയിലുള്ളത്.
ബി.എസ്.ഇ മിഡ്ക്യാപ് സൂചിക 0.27 ശതമാനം താഴ്ന്നപ്പോൾ ബി.എസ്.ഇ സ്മോൾ ക്യാപ് സൂചിക 0.02 ശതമാനം ഇടിഞ്ഞു.

കൂടാതെ, നിഫ്റ്റി ഓട്ടോ, മീഡിയ, റിയാലിറ്റി സൂചികകൾ 0.7 ശതമാനം മുതൽ 1 ശതമാനം വരെ താഴ്ന്നു. നിഫ്റ്റി ഐടി, മെറ്റൽ സൂചികകൾ നേരി​യ നേട്ടമുണ്ടാക്കി.

എൽ.ഐ.സി
ഓഹരി​കൾ ആറുമാസത്തെ ഉയർ ന്ന നി​രക്കി​ൽ
രണ്ട് ദിവസത്തിനുള്ളിൽ 10% നേട്ടം
മുംബയ്: ലൈഫ് ഇൻഷ്വറൻസ് കോർപ്പറേഷൻ ഒഫ് ഇന്ത്യയുടെ (എൽ.ഐ.സി) ഓഹരികൾ ആറ് മാസത്തെ ഏറ്റവും ഉയർന്ന നിരക്കായ 754.40 രൂപയിലെത്തി.
കഴിഞ്ഞ രണ്ട് ട്രേഡിംഗ് സെഷനുകളിൽ, സർക്കാർ ഉടമസ്ഥതയിലുള്ള ഓഹരികൾ 10 ശതമാനം ഉയർന്നു. 2022 ജൂൺ 7 ന് ശേഷമുള്ള ഏറ്റവും ഉയർന്ന നിലയിലാണ് വ്യാപാരം എൽ.ഐ.സി ഓഹരികൾ 2 ശതമാനം ഉയർന്ന് 749.80 രൂപയിലാണ് വ്യാപാരം നടക്കുന്നത്.
കഴിഞ്ഞ ഒരു മാസത്തിനിടെ, എൽ.ഐ.സിയുടെ ഓഹരി വില 20 ശതമാനം ഉയർന്നു, ബെഞ്ച്മാർക്ക് സൂചികയിൽ ഒരു ശതമാനം ഇടിവ്. എൽ.ഐ.സിയുടെ ആദ്യ ചീഫ് എക്സിക്യൂട്ടീവായി സ്വകാര്യ മേഖലയിലെ പ്രൊഫഷണലിനെ നിയമിക്കുമെന്ന് റി​പ്പോർട്ടുകളുണ്ട്. ഏറ്റവും വലിയ പൊതുമേഖലാ ഇൻഷ്വറൻസ് കമ്പനി​യെ നവീകരിക്കാനാണ് സർക്കാർ പദ്ധതി.
കഴിഞ്ഞ ഒരു മാസത്തിനിടെ, എസ് ആന്റ് പി ബിഎസ്ഇ സെൻസെക്‌സിൽ 1 ശതമാനം ഇടിവുണ്ടായപ്പോൾ എൽ.ഐ.സിയുടെ ഓഹരി വില 20 ശതമാനം ഉയർന്നു.