കൊച്ചി: ഇന്ത്യയിലേക്ക് അതിവേഗം പണമയയ്ക്കാനുള്ള സൗകര്യം ഒരുക്കാനായി ഫെഡറൽ ബാങ്കും യു.എ.ഇയിലെ പ്രമുഖ ധനകാര്യ സ്ഥാപനമായ മശ്രിഖ് ബാങ്കും തമ്മിൽ ധാരണയിലെത്തി. മശ്രിഖ് ബാങ്കിന്റെ അതിവേഗ പണമയയ്ക്കൽ സംവിധാനമായ 'ക്വിക്ക് റെമിറ്റ്" വഴി ഫെഡറൽ ബാങ്കിന്റെ സഹകരണത്തോടെ ഉടനടി പണം ഇന്ത്യയിലെത്തിക്കാം. യു.എ.ഇയിലെ ഏക സ്വകാര്യ ബാങ്കാണ് മശ്രിഖ്.

മശ്രിഖ് ബാങ്കുമായുള്ള സഹകരണത്തോടെ ഫെഡറൽ ബാങ്കിന്റെ പങ്കാളിത്തത്തോടെ യു.എ.ഇയിലെ പ്രവാസികൾക്ക് കുറഞ്ഞ ചെലവിൽ ഇന്ത്യയിലേക്ക് പണം അയയ്ക്കാമെന്ന് ഫെഡറൽ ബാങ്ക് എക‌്സിക്യൂട്ടീവ് ഡയറക്‌ടർ ശാലിനി വാര്യർ‌ പറഞ്ഞു. ഇന്ത്യയിലെത്തുന്ന പ്രവാസിപ്പണത്തിന്റെ 17 ശതമാനം കൈകാര്യം ചെയ്യുന്ന ബാങ്കെന്ന നിലയിൽ പ്രവാസികൾക്ക് മികച്ച റെമിറ്റൻസ് സേവനംഫെഡറൽ ബാങ്ക് ഉറപ്പാക്കുന്നു അവർ പറഞ്ഞു.