കൊച്ചി: മഹീന്ദ്ര ഗ്രൂപ്പിന് കീഴിലെ മഹീന്ദ്ര ട്രക്ക് ആൻഡ് ബസ് ഡിവിഷൻ 'ഗെറ്റ് മോർ മൈലേജ് ഓർ ഗിവ് ട്രക്ക് ബാക്ക്" ഓഫർ പ്രഖ്യാപിച്ചു. കമ്പനിയുടെ മുഴുവൻ ബി.എസ്-6 ശ്രേണിക്കും ഓഫർ ബാധകമാണ്. 3.5 ടൺ മുതൽ 55 ടൺ വരെ ഭാരംവഹിക്കുന്ന എച്ച്.സി.വി ബ്ളാസോ എക്‌സ്, ഐ.വി.സി ഫ്യൂരിയോ, എൽ.സി.വികളായ ഫ്യൂരിയോ 7, ജയോ മോഡലുകളാണ് കമ്പനിക്കുള്ളത്.

2016ൽ ബ്ലാസോ ട്രക്കുകളിലൂടെ തുടക്കമിട്ട ഓഫറാണ് ഇപ്പോൾ മുഴുവൻ ശ്രേണിയിലേക്കും വ്യാപിപ്പിച്ചത്. ഇന്ധനവില കുതിച്ചുയർന്ന നിലവിലെ പശ്ചാത്തലത്തിൽ ഉപഭോക്തൃസൗഹൃദമായ പദ്ധതിയാണ് 'ഗെറ്റ് മോർ മൈലേജ് ഓർ ഗിവ് ട്രക്ക് ബാക്ക്" ഓഫർ എന്ന് സി.ഇ.ഒ വിജയ് നക്ര പറഞ്ഞു. ഉയർന്ന മൈലേജ്, ആധുനിക സാങ്കേതികവിദ്യ, മികവുറ്റ എൻജിൻ, മികച്ച സർവീസ് തുടങ്ങിയ മികവുകൾ ഉപഭോക്താക്കൾക്ക് നൽകുകയാണ് ഓഫറിലൂടെ ലക്ഷ്യമിടുന്നത്.

എച്ച്.സി.വികൾക്ക് 7.2ലിറ്റർ എംപവർ എൻജിനും ഐ.സി.എൽ.വികൾക്ക് എം.ഡി.ഐടെക് എൻജിനുമാണ് കരുത്തേകുന്നത്. ഫ്യുവൽസ്മാർട്ട് ടെക്‌നോളജിയോടെ മികച്ച ഇന്ധനക്ഷമതയും ഇവ ഉറപ്പുനൽകുന്നു.