തിരുവനന്തപുരം: ഓണത്തിന് പാലിനും അനുബന്ധ ഉത്പന്നങ്ങൾക്കുമുള്ള അധിക ഡിമാൻഡ് പരിഗണിച്ച് മിൽമയുടെ തിരുവനന്തപുരം മേഖലാ യൂണിയൻ കൂടുതൽ ക്രമീകരണങ്ങൾ ഒരുക്കിയിട്ടുണ്ടെന്ന് അഡ്മിനിസ്‌ട്രേറ്റീവ് കമ്മിറ്റി കൺവീനർ എസ്.ഭാസുരാംഗൻ പറഞ്ഞു.

യൂണിയന്റെ പരിധിയിലുള്ള തിരുവനന്തപുരം, കൊല്ലം, ആലപ്പുഴ, പത്തനംതിട്ട ജില്ലകളിൽ മിൽമ നേരിട്ട് നടത്തുന്നവയ്ക്ക് പുറമെയും സ്റ്റാളുകൾ ഒരുക്കും. ജില്ലകളിലെ പ്രധാനപ്പെട്ട സ്ഥലങ്ങളിൽ ഇന്ന് രാവിലെ 5 മുതൽ രാത്രി 11 വരെ സ്റ്റാളുകൾ പ്രവർത്തിക്കും. തിരുവനന്തപുരം 50, കൊല്ലം 20, പത്തനംതിട്ട 18, ആലപ്പുഴ 15 എന്നിങ്ങനെയാണ് ഏജൻസി സ്റ്റാളുകൾ.