കൊച്ചി: 30 ലക്ഷം രൂപവരെയുള്ള ഭവന വായ്‌പകളുടെ പലിശനിരക്ക് 6.95 ശതമാനത്തിൽ നിന്ന് എസ്.ബി.ഐ 6.7 ശതമാനമായി കുറച്ചു. 30 ലക്ഷത്തിന് മുകളിൽ 75 ലക്ഷം രൂപവരെയുള്ള വായ്‌പകൾക്ക് പലിശ 6.95 ശതമാനമാണ്. 75 ലക്ഷം രൂപയ്ക്ക് മുകളിലെ വായ്‌പയ്ക്ക് 7.05 ശതമാനം.

വനിതാ ഇടപാടുകാർക്ക് പലിശനിരക്കിൽ 0.05 ശതമാനം അധിക ഇളവ് ലഭിക്കും. ബാങ്കിന്റെ മൊബൈൽ ആപ്പായ യോനോയിലൂടെ അപേക്ഷിക്കുന്നവർക്ക് അധികമായി 0.05 ശതമാനം പലിശയിളവും നേടാമെന്ന് ബാങ്ക് വ്യക്തമാക്കി. ഭവന വായ്‌പാവിതരണത്തിൽ രാജ്യത്ത് ഏറ്റവും മുന്നിലുള്ള ബാങ്കാണ് എസ്.ബി.ഐ. അടുത്തിടെ ബാങ്കിന്റെ ഭവന വായ്‌പാമൂല്യം അഞ്ചുലക്ഷം കോടി രൂപ കടന്നിരുന്നു.