കൊച്ചി: ഐ.ടി., ബാങ്കിംഗ് ഓഹരികളിലുണ്ടായ മികച്ച വാങ്ങൽ ട്രെൻഡിന്റെ കരുത്തിൽ ഇന്ത്യൻ ഓഹരി സൂചികകൾ ഇന്നലെ ഉയർന്ന നേട്ടമുണ്ടാക്കി. സെൻസെക്സ് 393 പോയിന്റുയർന്ന് 52,699ലും നിഫ്റ്റി 104 പോയിന്റ് മുന്നേറി 15,790ലുമാണ് വ്യാപാരം അവസാനിപ്പിച്ചത്.
ഇൻഫോസിസ്, ടി.സി.എസ്., ടെക് മഹീന്ദ്ര, എച്ച്.സി.എൽ ടെക്, ഏഷ്യൻ പെയിന്റ്സ്, എച്ച്.ഡി.എഫ്.സി ബാങ്ക് എന്നിവയാണ് 3.75 ശതമാനം വരെ നേട്ടത്തോടെ സെൻസെക്സിൽ ഏറ്റവും മികച്ച പ്രകടനം നടത്തിയത്. നിഫ്റ്റിയിൽ ഐ.ടി., ബാങ്കിംഗ് സൂചികകൾ 2.79 ശതമാനം വരെ മുന്നേറി. ഒട്ടുമിക്ക സംസ്ഥാനങ്ങളിലും കൊവിഡ് കേസുകൾ കുറഞ്ഞതും ഒരിടവേളയ്ക്ക് ശേഷം വാക്സിനേഷൻ ഉഷാറായതുമാണ് ഓഹരി നിക്ഷേപകർക്ക് ആവേശമായത്. അതേസമയം, ആകർഷക പ്രഖ്യാപനങ്ങൾ ഇന്നലെ നടന്ന വാർഷിക പൊതുയോഗത്തിൽ നടത്തിയെങ്കിലും റിലയൻസ് ഓഹരികൾ 2.61 ശതമാനം ഇടിഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |