തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളത്തിൽ നിന്ന് എയർ ഇന്ത്യ എക്സ്പ്രസ് രണ്ട് അന്താരാഷ്ട്ര സർവീസുകൾ കൂടി ആരംഭിക്കും. തിരുവനന്തപുരം-ബഹ്റൈൻ സർവീസ് 30 മുതലും തിരുവനന്തപുരം-ദമാം സർവീസ് ഡിസംബർ 1 മുതലും തുടങ്ങും. തിരുവനന്തപുരം-ബഹ്റൈൻ സർവീസ് ബുധൻ,ഞായർ ദിവസങ്ങളിൽ വൈകിട്ട് 5.35ന് പുറപ്പെട്ട് 8.05ന് (പ്രാദേശിക സമയം) എത്തിച്ചേരും. ബഹ്റൈനിൽ നിന്ന് രാത്രി 9.05ന് പുറപ്പെട്ട് പുലർച്ചെ 4.25ന് തിരുവനന്തപുരത്തെത്തും. തിരുവനന്തപുരം-ദമാം വിമാനം ചൊവ്വ,വ്യാഴം,ശനി ദിവസങ്ങളിൽ വൈകിട്ട് 5.35ന് പുറപ്പെട്ട് 8.25ന് എത്തിച്ചേരും. ദമാമിൽ നിന്ന് രാത്രി 9.25ന് പുറപ്പെട്ട് പുലർച്ചെ 5.05ന് എത്തും. 180 പേർക്ക് യാത്ര ചെയ്യാവുന്ന ബോയിംഗ് 737-800 വിമാനങ്ങളാണ് സർവീസിന് ഉപയോഗിക്കുക. ബുക്കിംഗ് ആരംഭിച്ചു. തിരുവനന്തപുരം-ബഹ്റൈൻ സെക്ടറിൽ സർവീസ് നടത്തുന്ന രണ്ടാമത്തെ എയർലൈൻ ആയിരിക്കും എയർ ഇന്ത്യ എക്സ്പ്രസ്. ഗൾഫ് എയർ ഈ റൂട്ടിൽ ആഴ്ചയിൽ ഏഴ് സർവീസുകൾ നടത്തുന്നുണ്ട്. തിരുവനന്തപുരം - ദമാം സെക്ടറിൽ ഇത് ആദ്യ സർവീസാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |