ബംഗളൂരു:കേരളം സുരക്ഷിതമല്ലെന്നും കേരളത്തെക്കുറിച്ച് താൻ കൂടുതലൊന്നും പറയേണ്ടതില്ലല്ലോ എന്നും കേന്ദ്ര ആഭ്യന്തര മന്ത്രി അമിത് ഷാ. കർണ്ണാടക സുരക്ഷിതമായി തുടരാൻ പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള ബി,​ജെ.പി സർക്കാർ അധികാരത്തിൽ തുടരണം. ദക്ഷിണ കന്നടത്തിലെ പുത്തൂരിൽ നടന്ന തിരഞ്ഞെടുപ്പ് പ്രചാരണ റാലിയെ അഭിസംബോധന ചെയ്യുന്നതിനിടെയാണ് അമിത് ഷായുടെ പരാമർശം. ബി.ജെ.പിക്കു മാത്രമേ കർണ്ണാടകയെ സുരക്ഷിതമാക്കാൻ സാധിക്കു എന്നും അതിന് ബി.ജെ.പി തുടരണമെന്നും അദ്ദേഹം പറഞ്ഞു.

കോൺഗ്രസും ജെ.ഡി.എസും 18-ാം നൂറ്റാണ്ടിലെ മൈസൂരു ഭരണാധികാരി ടിപ്പു സുൽത്താനിൽ വിശ്വസിക്കുന്നവരാണ്. കർണ്ണാടകയ്ക്ക് ഗുണകരമായ കാര്യങ്ങളൊന്നും ചെയ്യാൻ ഇവർക്കാവില്ല. കോൺഗ്രസ് അഴിമതി പാർട്ടിയാണ്. അവർ കർണ്ണാടകയെ എ.ടി.എം മെഷീനായി ഉപയോഗിച്ചെന്നും അമിത് ഷാ പറഞ്ഞു.