തിരുവനന്തപുരം: സ്ഥിരം വൈസ്ചാൻസലർ നിയമനത്തിനുള്ള സെർച്ച് കമ്മിറ്റിയിലേക്ക് വാഴ്സിറ്റി പ്രതിനിധിയെ നിശ്ചയിക്കാൻ 16ന് ചേരുന്ന സെനറ്ര് യോഗത്തിന് പൊലീസ് സംരക്ഷണം ആവശ്യപ്പെട്ട് കേരള സർവകലാശാലാ വി.സി ഡോ.മോഹനൻ കുന്നുമ്മേൽ. ആരോഗ്യ വാഴ്സിറ്റി വി.സിയായ അദ്ദേഹത്തിനാണ് കേരള വി.സിയുടെ ചുമതല.
ഗവർണറുടെ നിർദ്ദേശ പ്രകാരമാണ് സെനറ്റ് ചേരുന്നത്. യോഗത്തിനെത്തുന്ന സെനറ്റംഗങ്ങളെ തടയാനും സംഘർഷമുണ്ടാക്കാനുമുള്ള സാദ്ധ്യതയുള്ളതിനാലാണ് ഡി.ജി.പിയോട് പൊലീസ് സംരക്ഷണം തേടിയത്. എല്ലാ അംഗങ്ങൾക്കും യോഗത്തിനെത്താൻ നോട്ടീസ് നൽകിയിട്ടുണ്ട്. കാലിക്കറ്റ് വാഴ്സിറ്റിയിൽ ഗവർണറുടെ പ്രതിനിധികളെ തടഞ്ഞിരുന്നു. കാർഷിക വാഴ്സിറ്റി വെള്ളിയാഴ്ച ഓൺലൈനായി യോഗം ചേരുന്നുണ്ട്. കുസാറ്റിൽ 17നാണ് സെനറ്റ് യോഗം. കണ്ണൂർ, എം.ജി, മലയാളം, സാങ്കേതിക വാഴ്സിറ്റികളിൽ തീരുമാനം ഉടനുണ്ടാവും. എം.ജി, കണ്ണൂർ വാഴ്സിറ്റികളിൽ സിൻഡിക്കേറ്റാണ് സെർച്ച് കമ്മിറ്റി പ്രതിനിധിയെ നിശ്ചയിക്കേണ്ടത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |