മുംബയ്: പ്രശസ്ത ബോളിവുഡ് നടൻ ബിക്രംജീത്ത് കൻവർപാൽ (52) കൊവിഡ് ബാധിച്ച് മരിച്ചു. നിരവധി ബോളിവുഡ് സിനിമകളിലും ടെലിവിഷൻ പരമ്പരകളിലും ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്. 2003ൽ ഇന്ത്യൻ ആർമിയിൽ നിന്ന് വിരമിച്ച ശേഷമാണ് ബിക്രംജീത്ത് അഭിനയ രംഗത്തേക്ക് കടന്നുവന്നത്. പേജ് 3, ആക്ഷൻ, മർഡർ- 2, ടു സ്റ്റേറ്റ്സ് എന്നിവയാണ് അഭിനയിച്ച പ്രധാന ചിത്രങ്ങൾ. ഇതിന് പുറമേ ദിയാ ഓർ ബാത്തി ഹം, യെ ഹെ ചാഹത്തേം , ദിൽ ഹി തൊ ഹെ എന്നീ ടെലിവിഷൻ പരമ്പരകളിലും അഭിനയിച്ചിട്ടുണ്ട്. ഡിസ്നിയുടെ പ്രശസ്ത വെബ് സീരീസായ സ്പെഷ്യൽ ഓപ്സിലാണ് അവസാനമായി അഭിനയിച്ചത്. ചലച്ചിത്ര രംഗത്തെ നിരവധിപ്പേർ അനുശോചിച്ചു.